Ministr zamiežnych spraŭ Biełarusi Siarhiej Martynaŭ 16—18 śniežnia naviedaje Ispaniju i Aŭstryju.
Jak paviedamlaje pres‑słužba MZS, 16 śniežnia adbuducca pieramovy Martynava ź ispanskim kaleham Mihielem Maracinasam, a taksama sustreča z pradstaŭnikami dziełavych kołaŭ u Kanfiederacyi ispanskich pradprymalnickich arhanizacyj.
17 i 18 śniežnia kiraŭnik MZS Biełarusi budzie znachodzicca ŭ Aŭstryi, dzie praviadzie pieramovy ź fiederalnym ministram pa jeŭrapiejskich i mižnarodnych spravach Michaelem Špindelehieram, vice‑kancleram — fiederalnym ministram finansaŭ Jozefam Prolem, staršynioj Pałaty ekanomiki Aŭstryi Krystafam Lajtlem, pradstaŭnikami bankaŭskich kołaŭ.
Pavodle infarmacyi MZS, padčas sustreč i pieramoŭ budzie razhledžana «šyrokaje koła aktualnych pytańniaŭ dvuchbakovych biełaruska‑ispanskich i biełaruska‑aŭstryjskich adnosin, a taksama tematyka ŭzajemadziejańnia Biełarusi ź ES i inšymi jeŭrapiejskimi arhanizacyjami». Z pradstaŭnikami dziełavych kołaŭ Ispanii i Aŭstryi płanujecca abmierkavać mahčymaści i pierśpiektyvy naroščvańnia handlova‑ekanamičnaha i inviestycyjnaha ŭzajemadziejańnia.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary