«Advažna vyjšli na pieradavuju»: jak «Patryjoty Biełarusi» vučać školnikaŭ lubić krainu
«Patryjoty Biełarusi» — heta hramadskaje abjadnańnie, jakoje aficyjna raspačało svaju pracu ŭ śniežni 2020 hoda. Svaju dziejnaść jano pačynała z arhanizacyi praŭładnych aŭtaprabiehaŭ, a ciapier uziałosia za vychavańnie dziaciej.
«U škołach nie zaŭsiody jość mahčymaść pakazać i raskazać bolej, čym staronki padručnika, — pišuć «Patryjoty Biełarusi» ŭ instahramie. — A vychoŭvać patryjotaŭ krainy tolki praz knihi — vielmi składana. Jak i vychoŭvać patryjotaŭ u adzinočku!»
Ideałahičnaje vychavańnie ŭ Biełarusi daŭno stała sinonimam słova vajna, tamu nie dziŭna, što hramadskaje abjadnańnie vyrašyła čarhovy raz prymusić dziaciej adčuć siabie vajskoŭcami — kažuć, što luboŭ da krainy tak chutčej źjaŭlajecca. «Patryjoty Biełarusi» stali pravodzić vajskova-patryjatyčny turnir «Vyklik». Suarhanizatary prajekta — Ministerstva abarony, Ministerstva adukacyi i Vajskovaja akademija.
Jaho sutnaść u tym, što školnikam na try dni ładziać «armiejskija budni»: apranajuć jak sałdat, dajuć u ruki zbroju, vučać stralać dy kidać hranaty ŭ tank, jaki ruchajecca. Dla hetaha dziaciej pryvoziać na palihon pad Barysavam.
«Źmianili školnyja kaściumy na vajskovuju formu i advažna vyjšli na pieradavuju», — badziora raspaviadała ŭ svaim jašče letnim siužecie žurnalistka telekanała «Biełaruś 1» Kaciaryna Stracha. Pierad hetym jana ŭ kadry niesła aŭtamat nie na tym plačy i kakietliva kazała kamandziru adździaleńnia BTR, što jaje sumačka važyć mienš.
Nie ŭsie junyja ŭdzielniki byli radyja ispytam. Adna ź dziaŭčynak, naprykład, ščyra skazała, što jaje pužaje pałasa pieraškod, a asabliva vybuchi, jakija hučać zusim blizka. Školnica admoviłasia vychodzić na start, ale jaje ŭ vyniku ŭsio ž zmahli ŭhavaryć nie padvodzić kamandu.
U ciapierašnim siezonie «Patryjoty Biełarusi» płanavali pravieści šeść adboračnych zajezdaŭ, try paŭfinały i adnu finalnuju sustreču. U kancy vieraśnia, naprykład, u «Vykliku» ŭdzielničali minčuki — pieramahła kamanda Maskoŭskaha rajona stalicy «Naščadki Pieramohi».
Akramia vyprabavańniaŭ, hetym razam dla dziaciej padrychtavali sustreču z prapahandystami la vohnišča. Vučyć školnikaŭ patryjatyzmu pryjechali Ksienija Lebiedzieva i aficyjny pradstaŭnik Śledčaha kamiteta Biełarusi Alaksandr Suchadolski.
Aŭtary prajekta śćviardžajuć, što «Vyklik» dapamahaje chłopčykam i dziaŭčatkam «adčuć toj uzrovień adkaznaści, jaki lažyć na kožnym hramadzianinie Respubliki Biełaruś».
«Jak moža dzicia, u jakoha baćki chodziać u chram, być pijanieram?!» Protaijerej Lemiašonak vykazaŭsia pra sajuzy moładzi i ajcišnikaŭ
Zamiest pryhožych murałaŭ — «patryjatyčnyja». Jak źmianiajecca abličča haradoŭ Biełarusi
U Oršy paviesili miemaryjalnuju došku kiraŭniku vajskovaha pravasłaŭnaha kłuba. Pryžyćciova
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary