Zahinułaha biełaruskaha vajara pachavajuć u Ivana-Frankoŭskaj vobłaści
Raniej stała viadoma, što ŭ noč z 6 na 7 kastryčnika zahinuli dva biełaruskija dobraachvotniki — snarad razarvaŭsia kala mašyny, u jakoj jany jechali.
Adnaho ź biełaruskich dobraachvotnikaŭ pachavajuć u horadzie Kałamyja Ivana-Frankoŭskaj vobłaści.
«7 kastryčnika hieraična zahinuŭ vajskoviec z pazyŭnym «Bachus». Jon — biełaruski vajar, jaki mužna baraniŭ volu i niezaležnaść Ukrainy, słužyŭ u pałku imia Kastusia Kalinoŭskaha.
Dla nas hibiel kožnaha abaroncy Ukrainy — vialiki bol. Tamu ad imia Kałamyjskaj abščyny vykazvaju spačuvańni rodnym i blizkim z nahody hetaj ciažkaj straty», — napisaŭ mer horada Bahdan Stanisłaŭski.
Pachavajuć vajara zaŭtra, 21 kastryčnika, na Alei Słavy ŭ Kałamyi.
21 kastryčnika taksama abvieščana Dniom žałoby ŭ Kałamyjskaj hramadzie.
Kamientary