Abvieščany novy zbor prac ukrainskich i biełaruskich piśmieńnikaŭ dla prajekta #FreeAllWords
Prajekt #FreeAllWords adkryvaje druhi siezon i zaprašaje da ŭdziełu ŭkrainskich i biełaruskich piśmieńnikaŭ, jakija praciahvajuć zajmacca tvorčaściu va ŭmovach rasijskaj vajennaj ahresii na terytoryi Ukrainy i biesprecedentnych palityčnych represij u Biełarusi.
Inicyjatyva #FreeAllWords zasnavanaja Jeŭrapiejskaj radaj piśmieńnikaŭ (EWC). Dla prajekta pracujuć pierakładčyki — nośbity 13 moŭ Jeŭropy, i hetaje koła pastajanna pašyrajecca. #FreeAllWords asudžaje złačynstvy rasijskaj dziaržavy va Ukrainie i stavić na mecie paznajomić jeŭrapiejskuju aŭdytoryju z tvorčaściu ŭkrainskich i biełaruskich aŭtaraŭ u čas žachaŭ vajny i represij.
Prajekt pravodzić adbor prac na konkursnaj asnovie. Dla ŭdziełu zaprašajem dasyłać teksty (nie bolej za 7 tysiač znakaŭ z prabiełami) z paznačkaj «aŭtar/aŭtarka» na adras: [email protected]. Prymajucca jak vieršy, tak i proza.
U pieršuju čarhu razhladajucca teksty, jakija adpaviadajuć temie prajekta i na jakija aŭtar maje ekskluziŭnyja pravy (nie pieradadzienyja treciaj asobie).
Adbor tekstaŭ ažyćciaŭlaje admysłovaje žury, jakoje składajecca z pradstaŭnikoŭ piśmieńnickich i pierakładčyckich arhanizacyj Ukrainy, Litvy i Biełarusi. Paśla pierakładu na jeŭrapiejskija movy tvory raźmiaščajucca na sajcie prajekta, a z aŭtarami zaklučajucca adpaviednyja damovy na nie ekskluziŭnaje aŭtarskaje prava. Apłata ažyćciaŭlajecca za kožny pierakład aŭtarskich tekstaŭ na novuju zamiežnuju movu.
Pakolki prajekt stavić svajoj metaj papularyzacyju aŭtaraŭ i ich tvorčaści, praduhledžvajecca, što tvory buduć drukavacca ŭ presie i raźmiaščacca na niekamiercyjnych partniorskich resursach toj krainy, na movie jakoj ździejśnieny pierakład.
Prajekt #FreeAllWords isnuje ŭžo bolej za hod, za hety čas bolš za 130 tys. słoŭ ukrainskich i biełaruskich aŭtaraŭ byli pierakładzieny na 13 moŭ — dackuju, anhlijskuju, finskuju, francuzskuju, niamieckuju, vienhierskuju, italjanskuju, łatyšskuju, litoŭskuju, narviežskuju, partuhalskuju, rumynskuju i ispanskuju.
Padrabiaźniej pra prajekt možna daviedacca na sajcie prajekta #Freeallwords.
Łukašenka: Chto tam u Rasii viakaje na šmatviektarnaść Biełarusi i vyzvaleńnie palitviaźniaŭ?5
Kamientary