U Minsku stali raźbirać daŭhabud na Majakoŭskaha. Što tam źbirajucca ŭźvieści
Na budaŭničuju placoŭku (tut mieŭsia być hatel Novotel) siońnia zajechaŭ dziaržaŭny padradčyk. Budtrest №4 užo prystupiŭ da demantažnych rabot, paviedamlaje Minskbud.
Na demantaž adviedziena dva miesiacy. Budaŭniki całkam demantujuć bietonnyja padłohi, unutranyja cahlanyja pieraharodki, častku leśvičnych maršaŭ i padmurkaŭ na ŭsich troch błokach budynka.
Paśla vyzvaleńnia budplacoŭki ad demantavanych budmateryjałaŭ i śmiećcia prystupiać da hidraizalacyi padmurkaŭ.
Karkas budynka pakinuć, naraściŭšy pavierchi. Krajnija błoki buduć piacipaviarchovymi, siaredni — u čatyry pavierchi.
Na terytoryi farmujecca bytavy haradok (chutka padklučać da elektrazabieśpiačeńnia), uładkoŭvajecca parkavaja daroha, zmantavanaja myjka dla kołaŭ aŭtatranspartu.
Tut budzie abjekt miedycynskaha pryznačeńnia, dzie raźmieściacca stamatałahičnaja paliklinika, endakrynałahičny centr i centr płastyčnaj chirurhii.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary