U Pinskim rajonie piensijaniera pabačyli na palavańni ź bieł-čyrvona-biełaj našyŭkaj na rukavie i dali hihancki štraf
Jak vynikaje z pratakoła milicyi, mužčyna pravioŭ «niesankcyjanavanaje masavaje mierapryjemstva» kala 9 hadziny zranku ŭ lesie.
U Pinskim rajonie zatrymali pažyłoha viaskoŭca za demanstracyju «pratesnaj simvoliki». Jon byŭ na palavańni ŭ kurtcy ź bieł-čyrvona-biełaj našyŭkaj. Piensijanier atrymaŭ bujny štraf, piša «Lusterka» sa spasyłkaj na pastanovu suda.
Incydent adbyŭsia 1 kastryčnika. Jak vynikaje z pratakoła milicyi, piensijanier pravioŭ «niesankcyjanavanaje masavaje mierapryjemstva» kala 9 hadziny zranku ŭ lesie.
«Pry praviadzieńni palavańnia na dzikich žyvioł z metaj vykazvańnia pratestu suprać dziejnaj ułady, ažyćciaŭlaŭ adzinočnaje pikietavańnie z vykarystańniem pratesnaj simvoliki, a mienavita, ažyćciaŭlaŭ palavańnie z emblemaj u vyhladzie bieł-čyrvona-biełaha ściaha na pravym rukavie kurtki», — havorycca ŭ pratakole.
Jakim čynam pra heta daviedalisia siłaviki, niezrazumieła. Mahčyma, chtości vyklikaŭ na «parušalnika» milicyju padčas palavańnia abo pieradaŭ jaho fota paźniej.
Sud adbyŭsia 13 kastryčnika. Pažyły mužčyna pryznaŭ siabie vinavatym. Pavodle č. 1 art. 24.23 KaAP jamu pryznačyli štraf 1480 rubloŭ. Jaho mabilny telefon da vypłaty štrafu ŭziali pad aryšt.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku28
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary