Liście — nie śmiećcie! Navošta apałaja listota patrebna žyviołam i raślinam?
Samy pryhožy čas vosieni padychodzić da svajho zaviaršeńnia. A ci viedaješ ty, navošta apałaje liście patrebna žyviołam i raślinam? Telehram-kanał «Dzikaja pryroda pobač» tłumačyć, čamu nie treba śpiašacca jaho prybirać.
Apałaje liście — heta naturalnaje ŭhnajeńnie! Heta ježa dla daždžavych čarviakoŭ, kazurak, hryboŭ i mikrobaŭ. Akramia taho ŭ apałym liści zimujuć vusieni, bahoŭki, a taksama proćma smačnych kazurak, jakich lubiać ptuški. Sałaŭi ŭviesnu vykarystoŭvajuć letašniaje liście ŭ hniaździe.
Čałaviek adbiraje ŭ pryrody ŭsio bolš terytoryj. Tamu varta pakidać kutočki dzikaj pryrody jak na leciščach, tak i ŭ haradskim asiarodździ.
U našych haradach liście prybirajecca pamiž prajeznaj častkaj i tratuarami, a taksama pamiž tratuarami, budynkami, zbudavańniami i na inšych azialenienych terytoryjach na 10 m da tratuara ci prajeznaj častki (kali niama tratuara). Na žal, adpaviednaja pastanova Ministerstva žyllova-kamunalnaj haspadarki №1 ad 13 studzienia 2020 hoda nie abmiažoŭvaje apietyty kamunalnikaŭ i jany mohuć začyścić usio liście. Ale varta im nahadvać, što hetaha rabić ad ich nie patrabujecca.
U parkach, skvierach, na bulvarach, u hajach i sadach liście prybirajecca na 5 m ad ściežak. Dvary i miescy ahulnaha karystańnia vychajvajucca poŭnaściu.
Chočaš pryvabić ptušak na svoj padvorak? Pakiń apałaje liście — i tvoj sad uznaharodzić ciabie burlivym ptušynym (i nie tolki) žyćciom!
Žycharka Ašmianaŭ u adzinočku vyciahnuła ščupaka vahoj 10 kiłahramaŭ, choć dzień z ranicy nie zadaŭsia
U zakaźniku ŭ Brasłaŭskim rajonie znajšli niezvyčajnyja hryby. Tam miarkujuć, što heta redki vid — čornyja lisički
Miod, bałoty i duby. Dzie i jak adpačyć na Paleśsi vosieńniu?
«Vy prosta afihiejecie, što ŭ nas takoje jość». Siabry-fatohrafy stvaryli knihu ab pryhažości biełaruskaj pryrody
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary