U Vialikabrytanii raście kolkaść «kryptaparazitaŭ», jakija vyklikajuć dyjareju
Pradstaŭniki achovy zdaroŭja zadakumientavali tajamničy rost vypadkaŭ kryptasparydyjozu — chvaroby, vyklikanaj kišačnymi parazitami, jakuju zvyčajna nazyvajuć «krypta».
Ciapier Vialikabrytanija maje spravu z tryvožnym rostam krypta. Tak nazyvajuć kišačnaha parazita, jaki vyklikaje dyjareju; i jon nie maje dačynieńnia da virtualnych valut. U spravazdačy za kastryčnik brytanskaje Minzdaroŭja zadakumientavała značna bolšuju kolkaść vypadkaŭ, čym čakałasia ŭ 2023 hodzie. Pakul niezrazumieła, čamu krypta raście ŭ krainie, chacia pavieličeńnie moža być źviazana ź mižnarodnymi pajezdkami hramadzian.
U miedycynie i bijałohii «krypta» doŭhi čas było skaračeńniem ad Cryptosporidium, rodu mikraskapičnych najpraściejšych arhanizmaŭ, jakija zvyčajna zaražajuć kišačnik i vyklikajuć straŭnikava-kišačnyja zachvorvańni ŭ ludziej i inšych žyvioł (jak parazitaŭ, tak i chvaroby, jakija jany vyklikajuć, zvyčajna nazyvajuć krypta). Infiekcyja moža lohka raspaŭsiudžvacca pry niepasrednym kantakcie z kałam infikavanaha čałavieka, ale kryptaparazity taksama mohuć miesiacami vyžyvać u hlebie i vadzie.
Gizmodo raspaviadaje, što najbolš častym simptomam krypta źjaŭlajecca vadzianistaja dyjareja, za jakoj iduć kurčy, abiazvodžvańnie i lichamanka. Jak praviła, ludzi chvarejuć na krypta na praciahu adnaho-dvuch tydniaŭ, choć časam simptomy mohuć narastać i słabieć na praciahu miesiaca. U ludziej z asłablenaj imunnaj sistemaj infiekcyja moža stać chraničnaj abo niebiaśpiečnaj dla žyćcia. Parazit redka moža dabracca da dychalnych šlachoŭ, vyklikajučy inšyja prablemy.
Krypta źjaŭlajecca pastajannaj prablemaj achovy zdaroŭja va ŭsim śviecie i źjaŭlajecca adnoj z asnoŭnych pryčyn zachvorvańniaŭ, jakija pieradajucca praz vadu ŭ ZŠA i inšych krainach. Ale pradstaŭniki achovy zdaroŭja Vialikabrytanii zaŭvažyli rost kolkaści vypadkaŭ pa ŭsioj krainie ŭ hetym hodzie.
Zdajecca, skačok kolkaści vypadkaŭ infikavańnia krypta pačaŭsia ŭ žniŭni. Darečy, u Vialikabrytanii i ZŠA pra kožny zadakumientavany vypadak krypta treba paviedamlać uradu). U pieryjad ź siaredziny žniŭnia da kanca vieraśnia ŭ Vialikabrytanii było zarehistravana bolš za 2400 vypadkaŭ, paćvierdžanych łabaratorna. Miarkujecca, što leta źjaŭlajecca pikavym siezonam dla zachvorvańnia, adnak usplosk značna pieravyšaje navat čakany rost. Z kanca kastryčnika kolkaść vypadkaŭ pačała źnižacca, ale zastajecca značna vyšejšaj za normu.
Prynamsi, da hetaha času, zdajecca, niama prostaha tłumačeńnia hetaha ŭsplosku. Čynoŭniki nie vyznačyli nijakich kankretnych krynic uździejańnia abo miescaŭ, jakija mahli b vyklikać vialikuju ŭspyšku, naprykład, basiejny dla adpačynku abo zapasy pitnoj vady. Ale apytańni zaražanych ludziej dali niekatoryja patencyjnyja padkazki. Choć dola ludziej, jakija paviedamlali ab niadaŭnich zamiežnych pajezdkach, nie źmianiłasia ŭ paraŭnańni ź minułym hodam, usio ž nie vyklučana, što ŭsplosk moža być źviazany z tym, što ludzi naviedvajuć peŭnyja rehijony abo čaściej kupajucca hetym letam.
Što tyčycca zvyčajnaha čałavieka, jaki turbujecca pra toje, jak nie padčapić parazita, daktary dajuć niekatoryja praktyčnyja parady:
- nie hłytać vadu dla kupańnia (asabliva, kali jana nie była apracavana);
- pierakanacca, što vaša chatniaja ježa dobra pryhatavana;
- paźbiahać niepasteryzavanaha małaka i inšych nieapracavanych praduktaŭ.
Uvohule, ludziam, jakija niadaŭna pieranieśli dyjareju, varta pačakać nie mienš za dva tydni, pierš čym znoŭ iści ŭ basiejn.
Kamientary