Polšča prypyniła rasśledavańnie spravy ab źbićci svaich hramadzian u Minsku ŭ žniŭni 2020 hoda
Troch hramadzian Polščy zatrymali ŭ Minsku 9 žniŭnia 2020 hoda. Im siłaviki kazali, što jany «lalkavody», jakija pryjechali kiravać pratestami.
Rasśledavańnie spravy ab niezakonnym pazbaŭleńni voli troch palakaŭ u Minsku ŭ 2020 hodzie prypynienaje. Takoje rašeńnie pryniataje Mazavieckim upraŭleńniem Nacyjanalnaj prakuratury, piša Reform.by sa spasyłkaj na RMF FM. Havorka idzie pra razhlad dziejańniaŭ biełaruskich siłavikoŭ u dačynieńni da tych, chto pratestavaŭ suprać falsifikacyi vynikaŭ vybaraŭ u žniŭni 2020 hoda.
Rasśledavańnie było prypyniena z-za daŭniaj pieraškody, jakaja zaminaje praviadzieńniu takoha razboru.
«Adnym słovam, biełaruskija ŭłady admovilisia supracoŭničać u rasśledavańni hetaj spravy», — havorycca ŭ materyjale.
Bolš za dva hady tamu polskaja prakuratura nakiravała biełaruskamu boku zapyt ab pravavoj dapamozie. Adnak dahetul adkazu na hety dakumient nie było. U vyniku rasśledavańnie, jakoje pravodzicca ahienctvam unutranaj biaśpieki, zajšło ŭ tupik.
U vieraśni 2020 hoda polskaja prakuratura pačała rasśledavańnie pa fakcie aryštu, źbićcia i katavańniaŭ troch polskich hramadzian, — Vitolda Dabravolskaha, Kacpiera Sieńnickaha i Rołanda (proźvišča nie nazyvajecca), — jakija byli zatrymanyja ŭ Biełarusi 9 žniŭnia.
Polskim hramadzianam kazali, što jany «lalkavody», jakija pryjechali kiravać pratestami.
«Majho siabra źbivali ŭžo ŭ busiku, jon straciŭ prytomnaść. Mianie źbivali ŭ aŭtazaku. Ale horš za ŭsio było mienavita ŭ RUUS. Tam nas kłali tvaram u padłohu z ščylna zamacavanymi rukami za śpinoj, trymali ŭ niazručnych pozach. My nie mahli ruchacca, nas nieadnarazova pałochali, kazali, što kali budziem ruchacca, to vybjuć usie zuby. … Nam nie dazvalali pić vadu, nie davali jeści, spać, vyjści ŭ prybiralniu», — raspaviadaŭ Kacpier.
Ich vyzvalili paśla ŭmiašańnia MZS susiedniaj krainy, i jany viarnulisia na radzimu 14 žniŭnia taho ž hoda. U śniežni 2020 paviedamlałasia, što Ahienctva ŭnutranaj biaśpieki (ABV), jakomu było daručana vieści śledstva, dapytała novych śviedak, siarod apytanych byli supracoŭniki biełaruskich siłavych struktur.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary
N choť by normalnuju pričinu pridumali....
S takim podchodom, łukašienko, śmieło možiet pieriechodiť ot massovych pytok k massovym rasstriełam !