Łukašenka zajaviŭ, što praciahvaje palakam «siabroŭskuju ruku supracoŭnictva»
Łukašenka pavinšavaŭ narod Polščy z Dniom niezaležnaści.
«U našym sumiesnym minułym — šmatviakovaja ahulnaja chryścijanskaja i kulturnaja spadčyna, šyrokija i družalubnyja kantakty pamiž žycharami dźviuch krain. A budučyniu my možam pabudavać tolki pry ŭvažlivym staŭleńni da histaryčnych padziej i ŭmacavańnia suviaziaŭ na pryncypach partniorstva i davieru», — havorycca ŭ vinšavańni.
Łukašenka padkreśliŭ, što biełarusy pavažajuć vybar, jaki niadaŭna zrabili hramadzianie Polščy [majucca na ŭvazie vyniki parłamienckich vybaraŭ, na jakich sumarna pieramahła apazicyjnaja kaalicyja — NN].
«Jon jaskrava prademanstravaŭ žadańnie spynić biessensoŭny pošuk unutranych supiarečnaściaŭ i źniešnich pahroz. Spadziajusia, u Varšavie prysłuchajucca da hołasu svaich hramadzian z zaklikam žyć u miry i zhodzie z pradstaŭnikami ŭsich nacyj i vieravyznańniaŭ, razhledziać praciahnutuju Biełaruśsiu siabroŭskuju ruku supracoŭnictva», — zaŭvažyŭ Alaksandr Łukašenka.
Jon taksama vykazaŭ upeŭnienaść u tym, što najlepšaja harantyja biaśpieki dla Polščy siońnia — heta «družalubnaje susiedstva, spynieńnie nieabhruntavanaj militaryzacyi krainy i honki ŭzbrajeńniaŭ».
«Tolki razam krok za krokam my zmožam unieści svoj układ u pieraadoleńnie kanfrantacyi ŭ našym rehijonie. Biełaruski bok da hetaha hatovy», — dadaŭ Łukašenka.
***
Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu. 27 kastryčnika jon pachvaliŭ palakaŭ za toje, što jany prahałasavali za apazicyju na vybarach, potym vinšavaŭ narody Aŭstryi i Čechii, zajaviŭšy: «niaprostyja časy projduć, i my z patrojenaj siłaj adnovim uzajemadziejańnie». Padčas vizitu ŭ Minsk u kancy kastryčnika kiraŭnika MZS Vienhryi Pietera Sijarta jon nazvaŭ siabie «zaŭziatym prychilnikam zachavańnia ES».
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii19
Kamientary
Punkt 2 - načało kakich-to tam razhovorov
Tak vižu! Byť dobru!