Hadzińnik žychara Viciebska z «Tytanika» pradali na aŭkcyjonie
Jaho cana vyrasła bolš jak u dva razy.
Hadzińnik emihranta ź Biełarusi Sinaja Kantara pradadzieny 11 listapada na tarhach brytanskaha aŭkcyjonu Henry Aldridge & Son Ltd, pryśviečanych «Tytaniku», za 75 tysiač funtaŭ sterlinhaŭ, piša «Biełaruś i śviet».
Łot pad numaram 288 išoŭ samym apošnim na aŭkcyjonie, jaki doŭžyŭsia kala 4,5 hadziny, jon byŭ nabyty internet-karystalnikam, imia jakoha nieviadoma.
Hadzińnik-cybulinu zahinułaha pry pierajeździe ŭ ZŠA pasažyra vystaŭlali sa startavym koštam u 30 tysiač funtaŭ sterlinhaŭ. U vyniku cana łota litaralna za paŭchviliny vyras z 30 tysiač da 75 tysiač.
U 2018 hodzie na amierykanskim aŭkcyjonie hety chranomietr byŭ nabyty kalekcyjanieram za 57,5 tysiačy dalaraŭ ZŠA.
Sinaj Kantar razam sa svajoj žonkaj Miryjam byŭ na «Tytaniku» siarod 285 pasažyraŭ druhoha kłasa. Paśla sutyknieńnia z ajśbierham Miryjam pasadzili ŭ łodku, i jana vyratavałasia. A voś Sinaj zahinuŭ, jaho cieła dastali ź ledzianoj vady.
Paźniej žonka zmahła atrymać znojdzienyja pry mužu rečy. Jany ŭklučali ŭ siabie hadzińnik, a taksama adzieńnie, pašpart Rasijskaj impieryi, natatnik, hrošy, kašalok, kišenny teleskop i štopar.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary