Ekanamist Siarhiej Čały źviartaje ŭvahu na toje, jak źmianiŭsia padychod biełaruskaha ŭradu ŭ supracoŭnictvie z Kitajem. I što na heta paŭpłyvała.
U vypusku prahramy «Čały: Ekanomika» ekanamist adznačyŭ, što hałoŭnaja pretenzija da ŭładaŭ zaklučajecca ŭ tym, što ŭ Biełarusi niama narmalnym čynam kapitalizavanych kampanij. Navat praŭładnyja ekanamisty pačynajuć havaryć pra važnaść ekanamičnaj dadadzienaj vartaści. Pradpryjemstvy majuć aryjentavacca na vytvorčaść pradukcyi z vysokaj dadadzienaj vartaściu, što pavialičyć ich kapitalizacyju.
U hetym kantekście jon prapanuje pahladzieć na biełaruska-kitajskaje ekanamičnaje supracoŭnictva. Na kitajskaj mižnarodnaj vystavie impartu ŭ Šanchai, jakaja adbyłasia na pačatku listapada, prysutničaŭ ministr ekanomiki Alaksandr Čarviakoŭ.
U biełaruskaha ŭradu vialikija spadziavańni na Kitaj. Ministr ekanomiki ličyć, što ŭ Kitai treba stvarać sumiesnyja ź Biełaruśsiu pradpryjemstvy, syravinu na jakija budzie pastaŭlać Biełaruś.
«Nam važna aktyŭniej i bližej ruchacca da biespasiaredniaha spažyŭca praduktu. A dla hetaha nieabchodna kaapieracyja, treba stvarać u Kitai vytvorčaść pa pierapracoŭcy biełaruskaj syraviny: celułozy, uhnajeńniaŭ, suchoha małaka, miasnoj pradukcyi, pradukcyi drevaapracoŭki i hetak dalej».
Pa słovach Čarviakova, mienavita ŭ Kitai nieabchodna ź biełaruskaj syraviny vyrablać tavary z vysokaj dadatkovaj vartaściu i davać spažyŭcu jakasny tavar.
Na pohlad Čałaha, hetyja słovy ministra ekanomiki — «ščyraje pryznańnie ŭ tym, što dla taho, kab vynikovy pradukt atrymaŭsia i byŭ dastaŭleny da taho, chto amal što adziny ŭ nas jaho nabyvaje, nieabchodna jaho tam i vyrablać» z pastaŭlenaj biełaruskaj syraviny.
Takija płany vielmi adroźnivajucca ad tych, što isnavali jašče niekalki hadoŭ tamu.
U 2017 hodzie tahačasny ministr sielskaj haspadarki i charčavańnia Leanid Zajac zajaŭlaŭ pra toje, što ministerstva zaklučyła z adnoj z bujnych kampanij Kitaja namier ab układańni amal 1 młrd dalaraŭ inviestycyj.
«Cikavić kitajcaŭ mienavita pradukcyja, jakaja vyrablajecca našaj dziaržavaj. Jany chočuć u ramkach impartazamiaščeńnia atrymać jaje z toj terytoryi, jakoj vierać», — zajaŭlaŭ Zajac.
Jašče ŭ 2019-2020 hadach havorka išła pra toje, što Kitaj inviestuje ŭ vytvorčaść praduktaŭ charčavańnia ŭ Biełarusi bolš za 1,2 młrd dalaraŭ. «I dzie heta ŭsio? — zadajecca pytańniem ekanamist i adkazvaje: —
My razumiejem, što z ulikam, jak lubić havaryć Łukašenka, «hieapalityčnych pieraturbacyjaŭ u rehijonie» niejak niazručna ŭ Biełaruś inviestavać».
Adzinym vyjściem zastajecca pastaŭlać syravinu dla vytvorčaści ź jaje pradukcyi na terytoryi Kitaja.
Čytajcie jašče:
Kitaj dazvoliŭ svaim hramadzianam jeździć u Biełaruś hrupami
Čamu Kitaj nie zaprasiŭ Łukašenku na treci forum «Pojas i šlach»
Aryštavali 58-hadovuju haspadyniu ahrasiadziby z Baranavičaŭ, jakaja była pretendentam na prezidenckich vybarach — 20203
Kamientary
Jemu pora smieniť rabotu. Pusť idiot na proizvodstvo.
Ech Sierioha, Sierioha, sovsiem ty začach...