Pamior vykładčyk žurfaka BDU. Paśla 2020 hoda jon danosiŭ na studentaŭ
50-hadovy Uładzimir Kapcaŭ vykładaŭ na žurfaku BDU ruskuju litaraturu.
«Sumnaja navina. Pajšoŭ z žyćcia dacent kafiedry litaraturna-mastackaj krytyki Uładzimir Anatoljevič Kapcaŭ», — paviedamili ŭ telehram-kanale fakulteta i vykazali spačuvańni blizkim vykładčyka.
Pamior Uładzimir Kapcaŭ siońnia, 26 listapada. Abstaviny ŭ aficyjnym paviedamleńni nie pryvodziacca. Na fakultecie mierkavanaj pryčynaj śmierci nazyvajuć infarkt.
Uładzimiru Kapcavu było 50 hadoŭ, Naradziŭsia jon u Aršanskim rajonie (vioska Barań), skončyŭ fiłfak BDU pa śpiecyjalnaści «ruskaja mova i litaratura», a paśla atrymaŭ vučonuju stupień kandydata fiłałahičnych navuk. Na žurfaku pracavaŭ 23 hady. Na pracu štodzień jeździŭ elektryčkaj z Barysava.
Pra lekcyi vykładčyka pa ruskaj litaratury byłyja studenty adhukajucca pazityŭna, nazyvajučy ich natchnialnymi i cikavymi, a vykładčyka charyzmatyčnym.
Adnak u 2020 hodzie, pavodle śviedčańniaŭ byłych studentaŭ, Uładzimir Kapcaŭ, jak i niekatoryja inšyja vykładčyki žurfaka BDU, danosiŭ na pratestna nastrojenych kaleh i studentaŭ ustanovy, a taksama ŭdzielničaŭ u pastanovie pra vymovy apošnim za akcyi pratestu na fakultecie.
«Apošnim časam u jaho była vielmi mocnaja, tak by mović, depresija. Kazali, što navat na lekcyjach vyhladaŭ vypiŭšym, a pieršakurśniki kpili z hetaha», — kažuć studenty.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie22
Kamientary