Na 2023 hod biełarusam abiacali trojčy pavysić pracoŭnyja piensii. Pra heta zajaŭlaŭ Alaksandr Łukašenka. Pracoŭnyja piensii ŭ hetym hodzie padniali ŭžo dvojčy — u traŭni i vieraśni. Čytač «Lusterka» jak fizičnaja asoba spytaŭ u Minpracy, ci budzie sioleta treciaje pavyšeńnie.
— Nie, nie budzie [pavyšeńnia pracoŭnych piensij]. U śniežni pamier piensij budzie ŭ tym ža samym pamiery, što i ŭ listapadzie, — paviedamili ŭ Minpracy.
U kancy śniežnia minułaha hoda Alaksandr Łukašenka zajaŭlaŭ, što ŭ 2023-m pracoŭnyja piensii źbirajucca pavysić trojčy, jak i ŭ 2022-m. Na naradzie pa pytańniach zarpłaty i hrašovaha zabieśpiačeńnia biudžetnikaŭ Łukašenka havaryŭ ab tym, što nieabchodna zychodzić z mahčymaściaŭ ekanomiki, ale asabliva zhadaŭ ab piensijanierach. «Piensijanieraŭ padtrymali. U nastupnym hodzie razy try my taksama ich padtrymajem», — skazaŭ jon u śniežni 2022 hoda.
U hetym hodzie pracoŭnyja piensii pavyšali z 1 traŭnia i 1 vieraśnia.
U 2024 hodzie ŭ siarednim piensii pa ŭzroście płanujuć pavysić na 15%, paviedamiła raniej kiraŭnik Minpracy i sacabarony Iryna Kaścievič.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary