На 2023 год беларусам абяцалі тройчы павысіць працоўныя пенсіі. Пра гэта заяўляў Аляксандр Лукашэнка. Працоўныя пенсіі ў гэтым годзе паднялі ўжо двойчы — у траўні і верасні. Чытач «Люстэрка» як фізічная асоба спытаў у Мінпрацы, ці будзе сёлета трэцяе павышэнне.
— Не, не будзе [павышэння працоўных пенсій]. У снежні памер пенсій будзе ў тым жа самым памеры, што і ў лістападзе, — паведамілі ў Мінпрацы.
У канцы снежня мінулага года Аляксандр Лукашэнка заяўляў, што ў 2023-м працоўныя пенсіі збіраюцца павысіць тройчы, як і ў 2022-м. На нарадзе па пытаннях зарплаты і грашовага забеспячэння бюджэтнікаў Лукашэнка гаварыў аб тым, што неабходна зыходзіць з магчымасцяў эканомікі, але асабліва згадаў аб пенсіянерах. «Пенсіянераў падтрымалі. У наступным годзе разы тры мы таксама іх падтрымаем», — сказаў ён у снежні 2022 года.
У гэтым годзе працоўныя пенсіі павышалі з 1 траўня і 1 верасня.
У 2024 годзе ў сярэднім пенсіі па ўзросце плануюць павысіць на 15%, паведаміла раней кіраўнік Мінпрацы і сацабароны Ірына Касцевіч.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары