Jašče adna kraina Azii moža stać bolš dastupnaj turystam ź Biełarusi
Tudy nieŭzabavie možna budzie dabracca na samalocie praz Maskvu.
Čarhovaja azijackaja kraina moža stać bolš dastupnaj dla biełaruskich turystaŭ. Łaos vykazaŭ žadańnie adkryć pramoje avijazłučeńnie z RF. I na hety momant hetaje pytańnie aktyŭna prapracoŭvajecca Rasavijacyjaj, piša tochka.by.
Darečy, turpatok rasijan u Łaos u 2023 hodzie pieravysiŭ dapandemijnyja pakazčyki.
«Isnuje i patencyjał dla dalejšaha rostu dziakujučy biaźvizavamu režymu», — raspaviali ŭ Minbudzie RF.
Ci patrebna biełarusam viza ŭ Łaos
Dla biełarusaŭ viza ŭ Łaos patrebnaja. Ale atrymać jaje dosyć prosta. Patrebna fatahrafija i 30 dalaraŭ.
Vizu ŭklejać na miažy abo ŭ aeraporcie, ale kali vy jedziecie adpačyvać i mienš čym na 15 dzion. Kali termin znachodžańnia budzie bolš, tady varta źviarnucca ŭ pasolstva Łaosa ŭ Maskvie.
U Łaosie zapracavała płaciežnaja sistema «Mir». Tak što ŭ vypadku čaho, płastykavyja karty «Biełkart» (jany intehravanyja z «Mir») taksama buduć pracavać u hetaj azijackaj krainie.
Što cikavaha pahladzieć u Łaosie
Łaos — nievialikaja kraina ŭ Paŭdniova-Uschodniaj Azii. Jana miažuje z Kitajem, Vjetnamam, Kambodžaj, Tajłandam i Mjanmaj.
Stalica Łaosa — horad Vjenćjan. Aficyjnaja mova — łaoskaja.
Nasielnictva składaje kala 7 miljonaŭ čałaviek, pieravažna naležać da roznych etničnych hrup.
Łaos — niebahataja kraina, ale vałodaje značnaj spadčynaj. Dziaržava viadomaja svaimi staražytnymi chramami, malaŭničymi harami, vadaspadami i piačorami, a taksama haścinnaściu i dobrazyčlivaściu.
Jeŭrapiejski styl budynkaŭ łaoskich haradoŭ i jarkija załatyja budyjskija pahady mirna susiedničajuć adzin z adnym.
Da hetaha času tut zachavany najstaražytniejšyja tradycyi, ekzatyčnaja pryroda z bahataj fłoraj i faŭnaj.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha148
Kamientary
Dziakuj. Nia treba.