U turmie mocna pahoršyŭsia stan zdaroŭja mastaka Hienadzia Drazdova
Stan zdaroŭja 64-hadovaha palitviaźnia, mastaka Hienadzia Drazdova ŭ niavoli «mocna pahoršyŭsia», paviedamiła abaznanaja krynica vydańniu «Pozirk».
Pavodle słoŭ surazmoŭcy, mužčynu pastajanna źmiaščajuć u karcar.
«[Pierakidvajuć] z karcara ŭ karcar, pramiarzaje, maje zavysoki cisk, a tabletak nie dajuć», — adznačyła krynica. Jana dadała, što «mastak zusim ŭ krytyčnym stanie, navat składaje tastamient».
Hienadź Drazdoŭ — były kiraŭnik tvorčaj supołki «Pahonia» ŭ Biełaruskim sajuzie mastakoŭ, niadaŭna likvidavanaj.
Byŭ zatrymany ŭ žniŭni 2022 hoda i aryštavany na 15 sutak. Paśla aryštu nie vyjšaŭ na volu — u dačynieńni da jaho zaviali kryminalnuju spravu za ŭdzieł u pratestach u 2020 hodzie (art. 342 Kryminalnaha kodeksa). Paśla abvinavačańnie było pierakvalifikavanaje na «sadziejničańnie ekstremisckaj dziejnaści» (č. 1 art. 361 KK).
4 traŭnia 2023 hoda palitviaźnia pryhavaryli da 3 hadoŭ pazbaŭleńnia voli va ŭmovach ahulnaha režymu. Razam z tym, pavodle źviestak pravaabarončaha centra «Viasna», mastak adbyvaje termin u mahiloŭskaj turmie № 4.
Siłaviki zatrymali dziciačaha treniera pa chakiei za toje, što proźvišča Zialenskaha jamu spadabałasia bolš, čym Łukašenki
Na škłozavodzie «Nioman» pad Lidaj znoŭ masavyja zatrymańni. Užo treci raz za paŭhoda
«Niadaŭna prabieh 10 kiłamietraŭ za 40 chvilin». Andrej Dźmitryjeŭ pracuje ŭ kałonii na ačystcy drotu
Aleksijevič narešcie vykazałasia pra Izrail i Paleścinu2
Kamientary