Maštabnaja «Ahulnaja dyktoŭka» na biełaruskaj movie pravodzicca z 2017 hoda. Spačatku ŭdzielniki źbiralisia ŭ adnoj aŭdytoryi, a ciapier da prajekta moža dałučycca luby žadajučy anłajn.
Tak minułaja dyktoŭka sabrała 1300 čałaviek z 30 krain. Na hety raz padzieja navat atrymała inšuju nazvu — «Ahulnaja paštoŭka».
Pieradnavahodniaja dyktoŭka budzie adpaviadać tekstu vinšavalnych paštovak. Uziać udzieł prosta: nieabchodna zarehistravacca i 23 śniežnia ŭ 12:00 uklučyć anłajn-tranślacyju.
Patrebnyja buduć tolki asadka, arkuš papiery farmatu A4 i hadzina volnaha času. Uzrost i ŭzrovień vałodańnia movaj značeńnia nie majuć.
Paśla napisańnia fota ci skan lista z tekstam treba zahruzić na sajt da 19:00 taho ž dnia. Praviarać dyktoŭku buduć fiłołahi. Vyniki pavinny być abvieščanyja na praciahu niekalkich dzion.
Tyja, chto napiša tekst biez adzinaj pamyłki, atrymajuć u padarunak nabor z 5 paštovak ad biełaruskaj mastački Taćciany Kiślakovaj. Vyjavy dla ich byli raspracavany śpiecyjalna dla hetaha prajekta.
Akramia taho, arhanizatary abiacajuć, što ŭsie ŭdzielniki stanuć suaŭtarami niezvyčajnaha art-abjekta, pryśviečanaha samym lubimym i blizkim kožnamu biełarusu słovam, jaki płanujecca ŭstalavać u Lidzie, piša Onliner.by.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary