Jeŭrapiejski sud pryznaŭ dziejańni UEFA pa błakiroŭcy Supierlihi niezakonnymi. Heta moža całkam źmianić futbolny łandšaft
Rašeńnie moža stać pavarotnym u sporcie i pryvieści da stvareńnia jašče adnaho jeŭrakubka.
Siońnia, 21 śniežnia, adbyŭsia sud pamiž Supierlihaj i UEFA. Pradmietam sprečki było vyklučnaje prava UEFA na praviadzieńnie spabornictvaŭ z udziełam jeŭrapiejskich kłubaŭ. Supierliha ŭ asobie Fłarencina Pieresa («Reał»), Žaana Łaporty («Barsiełona») i kiraŭnikoŭ «Juvientusa» chacieła advarotnaha, kab turniry moh pravodzić niechta jašče.
Ciapier tolki UEFA maje mahčymaść pravodzić jeŭrakubki. Arhanizacyja pracuje ŭ pravavym poli, jakoje, pa sutnaści, sama ž i stvaryła. Raniej Supierliha ŭžo sprabavała stać novym hulcom na hetym poli, ale amal usie kłuby ź jaje vyjšli — kab paźbiehnuć sankcyj ad UEFA.
Siońnia Jeŭrapiejski sud pryznanyŭ dziejańni UEFA i FIFA niezakonnymi.
«U arhanizacyj niama manapolii na praviadzieńnie kłubnych spabornictvaŭ u Jeŭropie: ciapier Supierliha aficyjna moža być stvorana ŭ adpaviednaści ź Jeŭrapiejskim zakonam», — havorycca ŭ rašeńni suda.
Jeŭrapiejskaja Supierliha budzie zapuščana praz 18 miesiacaŭ, paviedamlaje ispanski insajdar Chaakin Marota.
Zaraz UEFA pravodzić try jeŭrakubki: Lihu čempijonaŭ, Lihu Jeŭropy i ŭžo treci hod Lihu kanfierencyj. Pryčym z nastupnaha hoda Liha čempijonaŭ projdzie ŭ novym farmacie. U hrupavym turniry budzie 36, a nie 32 kamandaŭ i buduć hulać jany pa šviejcarskaj sistemie.
***
Ab stvareńni Supierlihi Jeŭropy było abvieščana ŭ pačatku krasavika 2021 hoda. Kłubami-zasnavalnikami vystupili anhlijskija «Mančester Junajted», «Mančester Sici», «Livierpul», «Čełsi», «Arsienał», «Totenchem», ispanskija «Barsiełona», «Reał», «Atletyka», «Juvientus», «Inter» i «Miłan». Prezidentam lihi staŭ Fłarencina Pieres, jaki zajmaje anałahičnuju pasadu ŭ «Reale».
Adnak adrazu kłuby sutyknulisia z chvalaj niehatyvu jak z boku inšych kłubaŭ, tak i z boku fanataŭ, kiraŭncitva svaich lihaŭ, a UEFA taksama adrazu paabiacała prymianić sankcyi i da ich hulcoŭ, u pryvatnaści, zabaranić vystupać za zbornyja, i prajekt Supierlihi tady byŭ prypynieny.
Asudžany za «Hajun» da chimii brat Ihara Łosika ŭciok ź Biełarusi3
Kamientary