Ranicaj Rasija atakavała Ukrainu kryłatymi rakietami z Tu-95MS i «Kinžałami»
Pra vybuchi paviedamlajuć u Kryvym Rozie, Charkavie, Chmialnickim, Dniapry, Zaparožžy.
Ranicaj 8 studzienia Rasija atakavała Ukrainu dziasiatkami kryłatych rakiet, jakija zapuściła z 11 stratehičnych bambardziroŭščykaŭ Tu-95MS z rajona Kaśpijskaha mora, piša Bi-bi-si.
Paśla 6 hadzin rakiety niekalkimi chvalami zalacieli va Ukrainu, zahučała pavietranaja tryvoha. Adnačasova ŭ Rasii ŭźlacieŭ MiH-31 — nośbit balistyčnych rakiet «Kinžał».
Pavietranyja siły zafiksavali ŭźlot jašče adnaho Mih-31k z aeradroma Savaślejka Nižaharodskaj vobłaści. Papiaredžvajuć ab mahčymym paŭtornym pusku «Kinžała».
Častka rakiet lacić na zachad Ukrainy.
Telehram-akaŭnty paviedamlajuć pra vybuchi ŭ Kryvym Rozie, Charkavie, Chmialnickim, Dniapry, Zaparožžy.
Infarmacyi pra nastupstvy pakul mała.
Na ciapierašni momant viadoma, što rasijskija vojski nanieśli nie mienš za čatyry ŭdary pa Charkavie, a ŭ horadzie Źmijeŭ patrapili ŭ pryvatny dom. Jość paciarpiełyja.
«Hetaj ranicaj vorah biŭ pa pramysłovych abjektach horada. Na dadzieny momant adna paciarpiełaja žančyna. Pažar užo tušać našy ratavalniki, z paranienaj pracujuć miedyki», — skazaŭ kiraŭnik Charkava Ihar Cierachaŭ.
U Zaparožžy ŭ vyniku kambinavanaj ataki kryłatych i balistyčnych rakiet pa roznych napramkach u abłasnym centry prahučała 5 vybuchaŭ, paviedamiŭ načalnik AVA Juryj Małaška.
Rakiety trapili ŭ žyłyja rajony — na adkrytyja terytoryi i pobač z damami. Viadoma pra dvuch paciarpiełych — mužčynu i žančynu.
U Chmialnickim paviedamlajuć pra pieraboi z elektryčnaściu.
U Kryvym Rozie paškodžany handlovy centr i bolš za dva dziasiatki pryvatnych damoŭ. 58-hadovy mužčyna atrymaŭ askołačnyja ranieńni.
U pasieliščy Łazavatka pad abstrełam zahinuła 62-hadovaja žančyna.
U Novamaskoŭsku vybuchovaj chvalaj pieraviarnuła maršrutku, jakaja prajazdžała mima. Paškodžany try administracyjnyja budynki, dźvie zapraŭki, piacipaviarchoŭka, aŭtamabili. U horadzie, pavodle papiarednich źviestak, 24 paciarpiełych. Piaciora ź ich — dzieci.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im2
Kamientary