Žoncy litoŭskaha akciora, jakuju vymusili vyjechać u Biełaruś, vydali dazvoł na žycharstva ŭ Litvie
Pra situacyju z žančynaj stała viadoma ŭ kancy hoda.
Kiraŭnik Departamienta mihracyi Evielina Hudzinskajcie skazała, što žoncy łaŭreata Nacyjanalnaj premii kultury i mastactva aktora Uładasa Bahdonasa, jakaja źjaŭlajecca hramadziankaj Biełarusi, vydadzieny dazvoł na žycharstva ŭ Litvie, piša Delfi.lt.
«U minułuju piatnicu była pryniataja pastanova vydać joj dazvoł na žycharstva ŭ Litvie», — skazała Hudzinskajcie, zapeŭniŭšy, što Bahdonasa pra heta infarmavali.
Nahadajem, što ŭ kancy śniežnia 2023 hoda Bahdonas u fejsbuku napisaŭ, što 9 śniežnia skončyŭsia termin dziejańnia dazvołu na žycharstva jaho žonki ŭ Litvie, tamu joj daviałosia źjechać u Biełaruś.
Łaŭreat Nacyjanalnaj premii kultury i mastactva aktor Uładas Bahdonas zapeŭnivaŭ, što jahonaja žonka Alena nijak nie źviazanaja z uvarvańniem Rasii va Ukrainu.
Kamientary