HUBAZiK znoŭ sa stralboj zatrymlivaŭ čałavieka. Na hety raz za chabar
Zatrymali kiraŭnika adnaho ź viadučych pradpryjemstvaŭ stalicy.
Apieratyŭniki 5-ha ŭpraŭleńnia (pa Minsku) HUBAZiK sumiesna z bajcami SACHR zatrymali mužčynu za toje, što atrymaŭ chabar u asabliva bujnym pamiery. Jaho zmoŭščykaŭ — baćku i dvuch pasiarednikaŭ — taksama źmiaścili ŭ IČU.
Kiraŭnik pradpryjemstva ŭ abmien na kantrakty z zamiežnaj kampanijaj ab pastaŭcy kamplektujučych da elektrapryboraŭ patrabavaŭ u zamiežnych partnioraŭ vialikija ŭznaharody. Tak, u listapadzie minułaha hoda jon atrymaŭ 15 tysiač dalaraŭ. Jašče adzin tranš u 18 tysiač dalaraŭ pryjšoŭsia na śniežań. Adnak zabirać apošniuju partyju hrošaj mužčyna nie śpiašaŭsia.
Jak piša MUS, dla kanśpiracyi jon uciahnuŭ u schiemu baćku, jaki prymaŭ hrošy ad pasiarednikaŭ.
Siłaviki śćviardžajuć, što, kali zatrymlivali kiraŭnika na vulicy Malinina ŭ Minsku, toj pasprabavaŭ uciačy na aŭto. Siłaviki stralali pa kołach.
U fihurantaŭ spravy praviedzieny ahlady pa miescach žycharstva, kanfiskavanaja vialikaja suma najaŭnych u roznych valutach.
Śledčymi zaviali kryminalnuju spravu za atrymańnie chabaru ŭ asabliva bujnym pamiery.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu33
Kamientary