Vyjšaŭ na volu Dzianis Chaziej. Na momant aryštu jon byŭ niepaŭnaletnim
Za kratami jon prabyŭ amal try hady.
30 śniežnia vyjšaŭ na volu Dzianis Chaziej. Jaho, jak i Siarhieja Hackieviča, navučencaŭ kaledža ŭ Vysokim, vyzvalili pierad Novym hodam.
Chazieja i Hackieviča źmiaścili pad vartu ŭ adzin dzień: 10 sakavika 2021 hoda, na momant zatrymańnia im było pa 17 hadoŭ. Chłopca paśla pryhavaryli da troch hadoŭ vychavaŭčaj kałonii, piša «Viasna».
Ich abvinavacili va ŭdziele ŭ paślavybarčaj akcyi pratestu, jakaja prachodziła 10 žniŭnia 2020 h. u Breście (im inkryminavali masavyja biesparadki).
Ź Dzianisam Chaziejem źviazany ramantyčny i sumny momant — razam ź im sudzili i jaho dziaŭčynu, 18-hadovuju Vitaliju Bandarenku. Kali na jaje zaviali spravu, dziaŭčyna spačatku źjechała za miažu, ale paśla viarnułasia, kab pabačycca z kachanym. Jaje zatrymali. U vyniku, Vitaliju adpravili na 4 hady ŭ kałoniju.
Kamientary