Aŭtamachlarka sa Smarhoni padmanuła ludziej na 1 miljon 400 tysiač rubloŭ
36 paciarpiełych.
Sud Smarhonskaha rajona 9 studzienia 2 razhledzieŭ kryminalnuju spravu ŭ dačynieńni da žančyny, jakaja abiacała kupić znajomym aŭto za miažoj i padmanuła ich na 1 397 244 rubli (bolš za 400 000 dalaraŭ), piša AutoGrodno.by.
Z krasavika 2019 pa maj 2023 hoda machlarcy addali hrošy 36 čałaviek — kab kupić mašyny ŭ Jeŭropie i ZŠA.
Žančyna atrymała ad znajomych 417 120 dalaraŭ ZŠA, 92 785 jeŭra, 3 000 rubloŭ, usiaho — 1 397 244,89 rubla. Pry hetym jana ničoha nie rabiła.
Žančynu pryznali vinavataj u zavałodańni majomaściu šlacham padmanu i złoŭžyvańni davieram (machlarstvie), ździejśnienym u asabliva bujnym pamiery i dali vosiem z pałovaj hadoŭ kałonii. Taksama žančynie pryznačany štraf u 100 bazavych vieličyń (4000 rubloŭ).
Sudom z abvinavačanaj na karyść 29 paciarpiełych spahnanaja kampiensacyja majomasnaj škody na 1 259 209,94 rubla, u dachod dziaržavy — 59 962,55 rubla.
Prysud suda nie ŭstupiŭ u zakonnuju siłu i moža być abskardžany i apratestavany va ŭstanoŭlenym paradku.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary