ZŠA tajemna papiaredzili Iran ab padrychtoŭcy teraktu na mohiłkach, ale toj dazvoliŭ jamu zdarycca
Vydańnie The Wall Street Journal daviedałasia ŭ aficyjnych asobaŭ ZŠA, što amierykanskaja vyviedka zahadzia papiaredziła Iran ab namierach terarystaŭ IDIŁ ździejśnić u krainie vialiki terakt, ale irancy nie stali jaho praduchilać. Iran prakamientavaŭ situacyju.
Jak paviedamlaje WSJ, ZŠA praź niepubličnyja kanały apaviaścili Iran, što jamu pahražaje maštabny terakt padčas cyrymonii, pryśviečanaj pamiaci hienierała Kasema Sulejmani.
U vyniku terakt usio roŭna adbyŭsia i pryvioŭ da hibieli 84 čałaviek, što pakinuła administracyju ZŠA źbiantežanaj biaździejańniem zahadzia papiaredžanych uładaŭ Irana.
«Infarmacyja, jakuju my pieradali Iranu, była dosyć kankretnaj ŭ płanie miescaznachodžańnia budučaha terakta i dosyć svoječasovaj, kab jana mahła akazacca karysnaj dla Tehierana ŭ sarvańni napadu 3 studzienia, albo prynamsi ŭ źnižeńni kolkaści achviar.
Nam nie zrazumieła, čamu Iran joj nie skarystaŭsia», — zajavili amierykanskija čynoŭniki vydańniu WSJ.
U svaju čarhu aficyjnyja asoby Irana napramuju nie kamientavali artykuł The Wall Street Journal, adnak adznačyli, što nie atrymlivali nijakich papiaredžańniaŭ ad amierykancaŭ, «a kali b padobnaje i adbyłosia, to heta było b usiaho tolki sprobaj ZŠA zaścierahčy siabie ad dziejańniaŭ Irana ŭ adkaz».
Iran sapraŭdy paśla vykarystaŭ terakt jak padstavu dla rakietnaj ataki pa infrastruktury ZŠA ŭ Iraku, a zatym i dla naniasieńnia ŭdaraŭ pa «abjektach terarystaŭ» u Pakistanie, na što toj taksama adkazaŭ rakietnym udaram pa Iranie.
Jak padkreślili niekatoryja dziejnyja i byłyja aficyjnyja asoby ZŠA, papiaredžańnie Irana zachoŭvałasia ŭ strohaj tajamnicy z-za aściaroh raskryćcia niepubličnych kanałaŭ suviazi z hetaj krainaj i mahčymych reputacyjnych strat.
Akramia hetaha, ZŠA mahli apaviaścić Iran ab napadzie, kab pieraškodzić jamu jašče bolš vykarystoŭvać heta jak nahodu dla eskałacyi, a taksama kab stymulavać dyjałoh ź iranskim režymam dla jaho bolšaj prazrystaści i zhavorlivaści, pieradaje The Wall Street Journal.
Čynoŭniki taksama dadali, što niepraduchileńnie teraktu z boku Irana zrabiła jamu «źnievažalnuju» rekłamu na ŭvieś śviet, bo ciapier jon u vačach inšych dziaržaŭ i ŚMI «nie moža abaranić siabie ad terarystaŭ».
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
Dyk a čaho vy pra Izrail takija ž nie robicie: “Jehipiet papiaredžvaŭ Izrail pra mahčymy terakt z udziełam Chamas, ale Izrail dazvoliŭ zdarycca hetamu žachlivamu teraktu”…?
NN, kali vy absłuhoŭvajecie nie jakasnaje infarmavańnie biełarusaŭ, a prapahandyskuju padaču tych ci inšych navinaŭ, to nie ździŭlajciesia paśla, čamu ŭ vy potym budziecie niepatrebnyja. Najpierš biełarusam, a paśla - vašym zamoŭcam.