Iran udaryŭ unačy pa vajskovych abjektach i konsulstvie ZŠA ŭ Iraku
U Erbili spyniena pavietranaje złučeńnie. Usiaho napadu padvierhlisia vosiem abjektaŭ kala konsulstva ZŠA.
Amierykanskaje konsulstva i vajskovyja abjekty ŭ irakskim horadzie Erbil trapili pad abstreł balistyčnymi rakietami z boku Irana, paviedamiła ahienctva Mehr sa spasyłkaj na Korpus vartavych Isłamskaj revalucyi (KVIR).
«U adkaz na niadaŭnija terarystyčnyja złačynstvy vorahaŭ isłamskaha Irana, štab-kvatera špijonaŭ<…> była atakavanaja balistyčnymi rakietami KVIR i źniščanaja», — havorycca ŭ paviedamleńni vajskoŭcaŭ.
Pa ich słovach, iranskija vajskoŭcy nanieśli ŭdary nie tolki pa konsulstvie, ale i pa amierykanskich vajskovych bazach, piša RBK.
ABC News sa spasyłkaj na krynicu ŭ irakskich słužbach biaśpieki paviedamlaje, što ŭ Erbili spyniena pavietranaje złučeńnie, a ŭdary byli «vielmi žorstkimi». Usiaho napadu padvierhlisia vosiem abjektaŭ kala konsulstva ZŠA. Pavodle źviestak surazmoŭcy telekanała, zahinuli čatyry čałavieki, siarod ich niama amierykancaŭ. Siły kaalicyi źbili try bieśpiłotniki kala aeraporta ŭ Erbili.
Adkaznaść za ŭdary ŭziaŭ na siabie Korpus vartavych isłamskaj revalucyi (KVIR).
Paviedamlajecca pra dvuch zahinułych i piać paranienych.
Razam z tym amierykanskija ŚMI sa spasyłkaj na dvuch čynoŭnikaŭ ZŠA pišuć, što «nivodny z amierykanskich abjektaŭ u Erbili nie padviarhaŭsia rakietnym napadam».
Akramia taho, jak paviedamlaje Al Jazeera, byli atakavanyja abjekty ŭ Siryi.
U noč na 12 studzienia ŭzbrojenyja siły ZŠA i Vialikabrytanii nanieśli ŭdary pa abjektach jemienskich chusitaŭ u adkaz na ataki na handlovyja sudny ŭ Čyrvonym mory. Chusity nazyvali svaje dziejańni reakcyjaj na «ahresiju» ZŠA i Izraila ŭ siektary Haza.
Aficyjny pradstaŭnik iranskaha MZS Naser Kanani Čafi nazvaŭ ataku samaŭpraŭnaściu, parušeńniem suvierenitetu i terytaryjalnaj cełasnaści Jemiena. Jon padkreśliŭ, što takija dziejańni ŭzmocniać niestabilnaść u rehijonie.
-
Usich sałdat Asada, jakija ŭciakli ŭ Irak, addali nazad novym uładam Siryi
-
«Siryja pakazvaje, što Rasija nie niepieramožnaja». Hałoŭnaja dypłamatka ES vykazałasia suprać pieramoŭ na ŭmovach Maskvy
-
«Ludzi hinuć, a jamu «cikava»… D*****b». Ukrainskaje kiraŭnictva pry kamientavańni inicyjatyŭ Pucina nie padbiraje słoŭ
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam2
Kamientary