Ślapaja Fiemida: u Minsku asudzili mužčynu, jaki pahražaŭ sužycielcy zabojstvam i parezaŭ ščaku. Što jamu dali?
Sud vynies prysud 33-hadovamu žycharu Łahojskaha rajona, jakoha abvinavačvali ŭ pahrozie zabojstvam i pryčynieńni ciažkich cialesnych paškodžańniaŭ, pišuć «Minsk-Naviny».
Mužčyna žyŭ z 39-hadovaj minčankaj. U toj viečar jon viarnuŭsia dadomu z pracy na padpitku, zdaryŭsia čarhovy kanflikt. Mužčyna ŭdaryŭ žančynu dałońniu ŭ łob, a paśla nabraŭ u kastrulu, jakaja stajała ŭ rakavinie, vady i abliŭ joju haradžanku. Taja razzłavałasia jašče bolš, stała abzyvać kavalera, a toj u adkaz udaryŭ jaje pa tvary.
Paśla złamyśnik schapiŭ sa stała nož i, pahražajučy zabojstvam, prystaviŭ jaho da horła pierapałochanaj sužycielki, parezaŭšy pry hetym jaje ščaku. Žančyna schapiła mabilny telefon, kab vyklikać milicyju, ale ahresar staŭ vykručvać joj ruki i zabraŭ hadžet.
Žančyna zdoleła patelefanavać na liniju 102. Spałochaŭšysia adkaznaści, mužčyna syšoŭ z kvatery, nieŭzabavie jaho zatrymali. U dačynieńni da jaho raspačali kryminalnuju spravu. Vinu mužčyna całkam pryznaŭ, u zroblenym raskajaŭsia.
— Abvinavačany aficyjna nidzie nie pracaŭładkavany, sudzimaści nie maje, — prakamientavała staršaja pamočnica prakurora Partyzanskaha rajona Alaksandra Kamko, jakaja vystupała ŭ hetaj kryminalnaj spravie dziaržaŭnaj abvinavaŭcaj. — Sud pryznaŭ jaho vinavatym u pahrozie zabojstvam i pryčynieńni ciažkich cialesnych paškodžańniaŭ, kali byli padstavy bajacca ich ažyćciaŭleńnia, i na padstavie art.186 KK Respubliki Biełaruś
pryznačyŭ pakarańnie ŭ vyhladzie 360 hadzin hramadskich rabot. Akramia taho, abvinavačany pavinien prajści prymusovaje lačeńnie ad chraničnaha ałkahalizmu.
Čytajcie taksama:
Čarhovy prysud za danat Pałku Kalinoŭskaha — piać hadoŭ kałonii za 133 rubli
Palitviaźniu dali piać hadoŭ kałonii za 21-dalaravy danat Pałku Kalinoŭskaha. Jon pryjechaŭ z ZŠA
Bieraściejcu dali try hady za try kamientary
Žychara Kobryna zatrymali za numarnuju ramku z «Pahoniaj» na mašynie
Siłaviki zatrymali hramadzianku Ukrainy za kamientary i padtrymku svajoj krainy ŭ vajnie
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary