Łukašenka 2 lutaha padpisaŭ ukaz №41, jakim vyznačajucca hranična dapuščalnyja taryfy na žyllova-kamunalnyja pasłuhi, paviedamiła jahonaja pres-słužba.
Z dakumienta vynikaje, što apłata za žyllova-kamunalnyja pasłuhi dla biełarusaŭ u raźliku na dvuchpakajovuju kvateru, u jakoj žyvuć try čałavieki, pry narmatyŭnym spažyvańni imi pasłuh vyraście na 20 rubloŭ, ci 0,5 bazavaj vieličyni ŭ 2024 hodzie.
Vyznačana, što taryfy buduć pavyšanyja ŭ dva etapy. Tak, z 1 studzienia 2024 hoda rost usich ŽKP, za vyklučeńniem aciapleńnia i haračaj vady, składzie 10,35 rubla. Akramia taho, z 1 červienia 2024 hoda na 9,65 rubla vyrastuć taryfy na aciapleńnie i haračaje vodazabieśpiačeńnie.
Udakładniajecca, što płaciažy dla biełarusaŭ u raźliku na typavuju dvuchpakajovuju kvateru ŭ aciaplalny siezon składuć prykładna 173,15 rubla, a letam — 132,86 rubla.
Zhodna z raźlikami Ministerstva antymanapolnaha rehulavańnia i handlu, u 2024 hodzie ŭdzielnaja vaha ŽKP u dachodzie siamji z troch čałaviek, ale z umovaj dvuch asob, jakija pracujuć i atrymlivajuć siaredni zarobak pa krainie, składzie 4,1%, a dla siamji z dvuch piensijanieraŭ — 9,1%.
Va ŭmovach pavieličeńnia žyllova-kamunalnych płaciažoŭ, praŭda, abiacajuć akazać dziaržpadtrymku peŭnym katehoryjam nasielnictva praz nadańnie bieznajaŭnych žyllovych subsidyj. Subsidyi płanujecca davać hramadzianam i siemjam adrasna i pry ŭmovie, što štomiesiačnaja suma za kamunałku bolšaja za 20% ad siaredniamiesiačnaha sukupnaha dachodu ŭ horadzie, a ŭ sielskaj miascovaści — 15%.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni1
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier22
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier2
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu55
Kamientary