U Šviecyi čałaviek paŭhoda charčujecca miasam miadźviedzia, jaki jaho pakalečyŭ
42-hadovy Per Sundstrom sustreŭsia ź miadźviedziem niedaloka ad šviedskaha horada Jusdal jašče ŭ žniŭni minułaha hoda. Žyviolina napała na jaho i razarvała tvar. Mužčyna, mabyć, tady b i raźvitaŭsia z žyćciom, kab nie dapamoha 14-hadovaha syna Evierta, paviedamlaje Bild.
Razam Per i Eviert zmahli adoleć miadźviedzia: ciažka paranieny Per nanios jamu śmiarotnaje ranieńnie. Ale paśla hetaj sutyčki mužčyna apynuŭsia ŭ balnicy. Kalehi ž jahonyja razabrali miadźviedzia i pakłali miasa ŭ maraziłku. I ciapier jano važnaja častka racyjonu siamji Sundstrom.
«My robim z hetaha miasa načyńnie dla tako. Miasa ciomnaje, z hrubymi vałoknami, jano patrabuje vialikaj kolkaści śpiecyj. Napoŭnić tako miasam miadźviedzia, jaki ŭkusiŭ mianie za tvar, było ŭ maich vačach najvyšejšaj pomstaj» — skazaŭ Per u intervju miascovaj haziecie Aftonbladet.
Akramia taho, Per i Eviert razam hatavali z zabitaha miadźviedzia hulaš, šašłyki i četbułar — tradycyjnyja šviedskija frykadelki.
Sundstrom jašče nie chutka zmoža zabycca pra napad miadźviedzia: rana ad ukusu na jaho tvary dobra bačnaja da hetaha času, a šnary, chutčej za ŭsio, nie źniknuć nikoli. Jon užo pieranios šerah apieracyj, a nastupnaja zapłanavanaja na leta.
«Lekary chočuć adnavić moj nos i mnohaje vypravić. Jon pavinien vyhladać amal hetak ža, jak i raniej», — spadziajecca Sundstrom.
Čytajcie taksama:
U Hrodzienskim zaaparku pračnulisia miadźviedzianiaty. Jany takija śmiešnyja VIDEA
U Kitai vialikija pandy pierastali ličycca vidam, jaki vymiraje
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary