Patryjarch RPC Kirył admianiŭ zapłanavany ŭdzieł u mižkanfiesijnaj kanfierencyi ŭ vieraśni ŭ Kazachstanie, dzie, jak čakałasia, jon pavinien byŭ sustrecca z Papam Franciškam. Ab źmienie płanaŭ patryjarcha paviedamiŭ vysokapastaŭleny čynoŭnik RPC.
U hetym uhledžvajucca prykmiety dalejšaha paharšeńnia adnosin z-za rasijskaha poŭnamaštabnaha ŭvarvańnia va Ukrainu, piša AP.
Ahienctva «RIA Naviny» paviedamiła sa spasyłkaj na kiraŭnika adździeła źniešnich carkoŭnych suviaziaŭ Maskoŭskaha patryjarchatu mitrapalita Vałakałamskaha Antonija, što patryjarch Kirył nie voźmie ŭdziełu ŭ kanfierencyi, jakaja projdzie z 13 pa 15 vieraśnia, i tamu sustrečy z Franciškam nie budzie.
Kirył apraŭdvaŭ uvarvańnie va Ukrainu, zajaŭlajučy, što jano maje duchoŭnyja i ideałahičnyja padstavy, i nazyvaŭ jaho «mietafizičnaj» baraćboj z Zachadam.
Jon błasłaŭlaŭ rasijskich sałdat, jakija iduć u boj, i padtrymlivaŭ ideju, što rasijanie i ŭkraincy źjaŭlajucca adzinym narodam.
U lipieni Francišak paćvierdziŭ, što jon sustreniecca z Kiryłam na kanfierencyi ŭ Kazachstanie, što stała b druhoj sustrečaj pamiž Papam i patryjarcham ź lutaha 2016 hoda ŭ Havanie.
Druhaja płanavałasia na červień, ale była admieniena z-za dypłamatyčnych nastupstvaŭ vajny.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary