«My pavinny zrabić tak, kab palitviaźni stali dla dyktatara prablemaj». Cichanoŭskaja zaklikała ihnaravać vybary i zasiarodzicca na palitviaźniach
U ramkach marafonu «Abiraju Novuju Biełaruś», jaki zładzili demakratyčnyja siły, Śviatłana Cichanoŭskaja źviarnułasia sa zvarotam da biełarusaŭ. Asablivuju ŭvahu jana nadała prablemam palitviaźniaŭ u krainie — i zaklikała abjadnać namahańni dla ich vyzvaleńnia.
«Vidavočna, kali nie budzie cisku — režym nikoha nie vyzvalić. Bo dla dyktatara palitviaźni — nie prablema. A my pavinny zrabić tak, kab heta stała dla jaho prablemaj. Jon pavinien viedać, što zapłacić za kožnuju achviaru. Kožny načalnik kałonii, kožny hałavarez z HUBAZiKa, kožny śledčy — paniasie adkaznaść za svaje złačynstvy. My budziem źbirać usie dokazy, imiony — tolki tak zmožam adnavić spraviadlivaść», — adznačyła Cichanoŭskaja.
Marafon «Abiraju Novuju Biełaruś» ładzicca z 10:00 da 20:00 pa Minsku.
Kamientary