Vajskoŭcy Hrodzienskaj pahranhrupy sumiesna z supracoŭnikami milicyi zatrymali traich hramadzian Biełarusi, jakija napali na pahraničnika pry vykanańni im słužbovych abaviazkaŭ, paviedamlaje DPK.
Incydent adbyŭsia 10 lutaha. Hrodzienski pahraničnik vyjaviŭ traich nieviadomych u pahranzonie. Mužčyny sprabavali zapuścić dron, ź jakoj metaj, nie paviedamlajecca.
Mahčyma, heta byli kantrabandysty, jakija pierakidvali cyharety ŭ Polšču. U tych krajach heta typovaja źjava.
Patrabavańniu pamiežnika jany nie padparadkavalisia, «napali na pamiežnika», a zatym źjechali.
14 lutaha asobny śpiecyjalizavany bataljon «Delta» DAI z AMAPam na trasie M-6 zatrymali dvuch saŭdzielnikaŭ incydentu.
Zatym supracoŭniki pahraničnaj słužby ŭ vioscy Vasilevičy Hrodzienskaha rajona vyjavili i treciaha padazravanaha.
Raspačatyja kryminalnyja spravy pavodle č. 1 art. 366 Kryminalnaha kodeksa (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, ci inšaj asoby, jakaja vykonvaje hramadski abaviazak).
Na karyść toj viersii, što ŭ historyi niama palityčnaha ci špijonskaha składniku, toj fakt, što tolki adzin z zatrymanych znachodzicca ŭ SIZA turmy №1 Hrodna. Astatnija dvoje doma pad padpiskaj ab niavyjeździe. Im usim pahražaje da 7 hadoŭ pazbaŭleńnia voli.
Čytajcie taksama:
U Polščy zajavili pra rost kantrabandy ź Biełarusi ŭ 10 razoŭ
Chto taja adzinaja žančyna, što pryjšła na matč «Dynama-Minsk» u Varšavie z čyrvona-zialonym ściaham24
Kamientary
"Miaža" - heta niešta sialanskaje i z movy, na jakoj ničavo vialikava nie sozdana, na jakoj razhavaryvajuć ludzi, katoryje ničavo bolšie dziełać nie mohuć, kromie, kak razhavaryvać na etam jazykie.