U Bychavie zatrymali mužčynu, jaki sarvaŭ čyrvona-zialony ściah
Pavodle infarmacyi Bychaŭskaj prakuratury, u noč z 16 na 17 lutaha 54-hadovy mužčyna išoŭ mima kramy ŭ vioscy Novy Bychaŭ, na jakoj visieŭ čyrvona-zialony ściah z arnamientam, i čamuści nie prajšoŭ mima, piša Mayday.team.
Zdymak ilustracyjny
Nibyta «žadajučy prademanstravać svajo abraźlivaje staŭleńnie da hetaha simvała», mužčyna nibyta chacieŭ spačatku źbić jaho pałkaj. Kali ŭ jaho heta nie atrymałasia, jon z dapamohaj leśvicy daciahnuŭsia da ściaha i vyłamaŭ jaho z dreŭkam. Čyrvona-zialonaje pałotnišča jon schavaŭ na haryščy haspadarčaj pabudovy.
Praź niekalki dzion mužčynu zatrymali. Jamu vystaŭlena abvinavačańnie pa art. 370 KK RB (ździek ź dziaržaŭnaj simvoliki).
Kamientary