U Hruzii zatrymali 10 čałaviek za raspaŭsiud narkotykaŭ. Siarod ich — hramadzianie Biełarusi
Zatrymańni prachodzili ŭ Tbilisi, pryharadnym pasiołku Paničała, horadzie Azurhieci i Batumi.
Dziesiać čałaviek zatrymanyja ŭ Hruzii za roznyja złačynstvy, źviazanyja z narkotykami, paviedamlaje Newsgeorgia.ge sa spasyłkaj na pres-słužbu MUS.
Siarod abvinavačanych — hramadzianie Hruzii, Biełarusi i Izraila. U ich liku dvoje ŭmoŭna asudžanych niepaŭnaletnich, i jašče troje asob maładziejšych za 30 hadoŭ.
Zatrymańni prachodzili ŭ Tbilisi, pryharadnym pasiołku Paničała, horadzie Azurhieci i Batumi. Udzieł u apieratyŭna-śledčych mierapryjemstvach prymali roznyja padraździaleńni palicyja i supracoŭniki Słužby dziaržbiaśpieki Hruzii.
Pa vynikach rejdaŭ kanfiskavanyja 440 tabletak ekstazi, da 3 kh opiju-syrca, 31 Upakoŭka «bija», kakain, marychuana, hašyš, subakson, amfietamin.
Pa vynikach pieratrusu u damach dvuch mierkavanych narkahandlaroŭ u Paničała vyjaŭlena vialikaja kolkaść najaŭnych hrošaj — 97,3 tysiačy dalaraŭ, 6 tysiač łary, 2,8 miljona rasijskich rubloŭ.
U Adžaryi razam z hrašyma palicyjanty znajšli ŭ domie padazravanaha materyjały, nieabchodnyja dla ŭpakoŭki narkotykaŭ, elektryčnyja šali, sihnalny pistalet i patrony.
Kamientary