Tvar kanała HUBAZiKa Taćciana Traciak stała viadučaj tok-šou ANT

U tok-šou «Jašče nie viečar» na telekanale ANT novaja viadučaja. U vypusku za 4 sakavika 2024 hoda ŭ kadry źjaviłasia Taćciana Traciak. Raniej jana była paznavalnaja za košt pracy ŭ telehram-kanale HUBAZiKa.

Pavialičyć

Prahrama «Jašče nie viečar» vychodzić kožny paniadziełak. Heta tok-šou, na jakim abmiarkoŭvajuć niepalityčnyja temy. Infacyhanstva, prablemy z susiedziami, deficyt uvahi — voś što abmiarkoŭvali ŭ papiarednich vypuskach. Viadučyja pracujuć parami. Adna — Palina Suvorava i Taćciana Rudakoŭskaja, druhaja — Žanet i Alena Michałoŭskaja. I voś ciapier na miescy Žanet źjaviłasia Taćciana Traciak. 

U vypusku, dzie jana debiutavała, abmiarkoŭvali plusy maładoha muža, šluby s zamiežnikami dy inšyja vypadki, kali blizkija nie ŭchvalajuć adnosiny pary. Naprykład, pieršaja hierainia paznajomiłasia sa svaim mužam, kali joj było 47 hadoŭ, a jamu 26. Druhaja ažaniłasia ź ciemnaskurym chłopcam, a treciaja — z musulmaninam.

Ekśpiertaŭ taksama padabrali cikavych. Naprykład, na adnoj z kanap siadzieła žonka Ksienija Tur — pradstaŭnica MNS i žonka prapahandysta Ihara Tura. A nasuprać jaje niervova tresła nahoj žonka aficera Julija Arciuch. Jana ciapier šukaje lubuju mahčymaść patrapić nazad u televizar i sprabuje prystroić u masoŭku roznych televizijnych šou svaju starejšuju dačku.

Bolšuju častku šou viała Michałoŭskaja. U Taćciany Traciak tolki zredku atrymlivałasia ŭstavić paru słoŭ. Kamiera jaje taksama nie časta pakazvała bujnym płanam. Było zaŭvažna, što zorka HUBAZiKu da zvyčajnaj studyi nie pryvykła. Jana napisała ŭ instahramie: «Ja nie Małachaŭ, ja tolki vučusia. Dobryja pažadańni vitaju. U astatnim «niachaj havorać».

Pavialičyć

Novamu tvaru ANT 31 hod. Taćciana Traciak skončyła jurydyčny fakultet BDU.

U 2016-m, paśla zakančeńnia VNU, dziaŭčyna ŭładkavałasia juryskonsultam u Respublikanski centr alimpijskaj padrychtoŭki pa lohkaj atletycy. Paźniej učarašniaja studentka stała vykanaŭčym dyrektaram Biełaruskaj fiederacyi lohkaj atletyki. Taksama Traciak była pamočnicaj Vadzima Dzieviatoŭskaha, jaki mieŭ status deputata Pałaty pradstaŭnikoŭ.

U 2020-m Dzieviatoŭski padtrymaŭ ruch za demakratyju, a Traciak prykładna ŭ toj čas uładkavałasia ŭ «Minskuju praŭdu» — karykaturny łukašenkaŭski tabłoid. Ź ciaham času jana stała pracavać jašče i pradziusarkaj na ANT, raz-poraz źjaŭlajučysia ŭ kadry. Ale paznavalnaść dziaŭčynie pryniesła mienavita praca na HUBAZiK. Jana stała viadučaj navinaŭ karnaj ustanovy. U svaich videaahladach Traciak raskazvaje pra zatrymanych palitviaźniaŭ i ździekujecca ź biełaruskaj movy.

Čytajcie taksama:

Adzin tolki HUBAZiK za hod zatrymaŭ bolš za 1100 čałaviek za «ekstremizm»

Aleś Michalevič: Nieadekvataŭ u Biełarusi nabrałasia tolki na HUBAZiK

Zahadvała finansami pry Dzieviatoŭskim, lubić hłamur. Što za dziaŭčyna stała novym tvaram HUBAZiKa? 

• 0
• 1
• 0
• 5
• 0
• 0
• 26