Parłamient Šviejcaryi ŭchvaliŭ pieradaču zamarožanych rasijskich aktyvaŭ Ukrainie
Parłamient Šviejcaryi 7 sakavika padtrymaŭ pieradaču zamarožanych rasijskich aktyvaŭ Ukrainie. U bankach krainy zachoŭvajecca bolš za 8 miljardaŭ dalaraŭ reziervaŭ i aktyvaŭ rasijskaha Centralnaha banka. Pra heta paviedamlaje France24.
Adznačajecca, što vierchniaja pałata parłamienta prahałasavała za heta rašeńnie 21 hołasam «za», «suprać» vystupili 19 deputataŭ, jašče troje — ustrymalisia. Što da nižniaj pałaty, to jana padtrymała hetuju inicyjatyvu jašče letaś.
Pa słovach kiraŭnika šviejcarskaha MZS Ihnacya Kasisa, Rasija parušyła mižnarodnaje prava, tamu jana pavinna pakryć naniesienuju škodu. «Viaducca mižnarodnyja dyskusii ab miechanizmach kampiensacyi, i Šviejcaryja ŭdzielničaje svaimi viedami, svaimi navykami i ŭsioj svajoj historyjaj u hetaj halinie», — dadaŭ Kasis.
Inicyjatyva pa pieradačy Ukrainie zamarožanych aktyvaŭ Rasii horača abmiarkoŭvalisia ŭ Šviejcaryi, dzie vysoka cenicca aściarožnaść u klučavych bankaŭskich halinach i tradycyja niejtralitetu krainy.
Kamientary