«Maksima Bahdanoviča mahli pierapachavać u Biełarusi» — Łatuška
Były ministr kultury Pavieł Łatuška padzialiŭsia ŭspaminami pra toje, jak vyrašałasia pytańnie pa pierapachavańni pareštkaŭ kłasika.
Viadoma, što Maksim Bahdanovič pamior u Jałcie. Ź idejaj pierapachavańnia paeta, pa słovach Łatuški, u jaho bytnaść ministram kultury (2009-2012 hady) źviarnuŭsia «adzin z papiarednikaŭ na pasadzie ministra, šanavany ŭ kulturnych kołach čałaviek».
«My pačali abmiarkoŭvać i syšlisia na mierkavańni, što pierapachavańnie Maksima Bahdanoviča mahło b być adnaŭleńniem histaryčnaj spraviadlivaści, mocnaj i nacyjanalna ŭzdymnaj padziejaj dla biełaruskaha hramadstva, dla razumieńnia našaj kulturnaj samabytnaści, važnaści spadčyny», — adznačaje Łatuška.
Pa jaho słovach, było šmat arhumientaŭ jak «za», tak i «suprać».
«Heta byŭ šaniec dla biełaruskaj kultury — pachavać Bahdanoviča na radzimie, pra jakuju jon stolki pisaŭ».
Łatuška zhadvaje, što nakiravaŭ list da pasła Biełarusi va Ukrainie Valancina Vialički z prośbaj, kab toj pasprabavaŭ pravieści pieramovy z uładami Ukrainy, ź ministerstvam kultury hetaj krainy na pradmiet pierapachavańnia Bahdanoviča ŭ Minsku.
«Pamiataju, što hetuju temu ja padymaŭ taksama pad čas pieramovaŭ z ukrainskimi ministrami. Heta byŭ składany praces, jaki, na žal, tady realizavać nie ŭdałosia», — dzielicca Łatuška.
Pa jaho słovach, adna z zaŭvah była źviazanaja z tym, što, pa słovach daśledčykaŭ, plita nad mahiłaj Maksima Bahdanoviča była pierasunuta ŭ vyniku ziemlatrusu. Tamu na sto adsotkaŭ skazać, što pad plitoju pachavany Maksim Bahdanovič, było niemahčyma.
«Zrazumieła, što treba było rabić ekśpiertyzu, analiz DNK. I heta ŭžo była inšaja historyja. Na žal, usio ž taki heta nie atrymałasia. Ale heta nie značyć, što heta niemahčyma zrabić u budučym — pačynajučy z DNK i zakančvajučy mahčymaściu pierapachavańnia», — ličyć palityk.
Čytajcie jašče:
«Nie viadziciesia na pavieŭnuju modu — padhladać za kłasikami ŭ zamočnuju adtulinu»
U archivie znajšli dakumienty, datyčnyja vučoby Maksima Bahdanoviča
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary