U Lepielskim rajonie na vajskovych zborach miedykaŭ pamior vajennaabaviazany, piša «Jeŭraradyjo». Pavodle krynicy vydańnia, u jaho adarvaŭsia tromb.
Kab paćvierdzić hetuju infarmacyju, karespandent «Jeŭraradyjo» patelefanavaŭ u niekalki vajskovych kamisaryjataŭ u Viciebskaj vobłaści.
U Lepielskim i Aršanskim kamisaryjatach adkazali, što nie «vałodajuć takoj infarmacyjaj i nie abaviazanyja jaje raspaŭsiudžvać».
Ale ŭ Viciebskim abłasnym vajenkamacie supracoŭnica paćvierdziła śmierć vajennaabaviazanaha miedyka. Jana panarakała, što hetaja situacyja «narabiła vielmi šmat šumu», a pa bolš padrabiaznuju infarmacyju paraiła źviarnucca da vykanaŭcy abaviazkaŭ načalnika vajenkamata.
Jon, u svaju čarhu, taksama nie admaŭlaŭ faktu śmierci pryzyŭnika i raskazaŭ, što «jość čałaviek, jaki zajmajecca hetymi pytańniami [śmierciu], i budzie lepš pahavaryć ź im».
U biełaruskim vojsku 11 sakavika 2024 hoda pačałasia pravierka bajavoj hatoŭnaści złučeńniaŭ i vajskovych čaściej. Jak paviedamlała pres-słužba Minabarony, u chodzie pravierki zapłanavanaje pieramiaščeńnie vajskovaj techniki, a taksama pryzyŭ vajennaabaviazanych z zapasu.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary