U «Krokusie» raspaviali, jak biełarusy-achoŭniki hieraična ratavali ludziej
U viečar teraktu ŭ «Krokus Sici Chole» pracavali dva achoŭniki ź Biełarusi, pra ich raspavioŭ supracoŭnik centra Alaksiej Asanuškaŭ, piša «Sputnik».
Z adnym ź ich, Alimam Kašavaravym (jon znachodzicca ŭ Botkinskaj balnicy, jaho stan aceńvajecca jak ciažki), Asanuškaŭ, pavodle jaho słoŭ, apynuŭsia na pieršaj linii — jany stajali na susiednich ramkach, terarysty išli prama na ich.
Kali pačałasia stralanina, mužčyny pačali ratavać ludziej.
«Jon vyskačyŭ na złačyncaŭ, kab niejak spynić ich, vyratavać ludziej, jaho adrazu pasiekli čarhoj», — kaža Asanuškaŭ.
Pavodle jaho słoŭ, bolšaść ludziej byli ŭžo ŭ zale, ale šmat zastavałasia jašče ŭ chole, nie ŭsie zajšli.
«Pierad nami byŭ natoŭp ludziej. I jany pačali ŭ śpiny stralać ludziej, jakija zachodzili praz ramki», — apisvaje napad supracoŭnik «Krokusa».
Kali ludzi pačali ŭciakać, achoŭniki pačali ich evakuiravać.
Jašče adzin achoŭnik — Vadzim Kulik, jak i Kašavaraŭ, jon ź Biełarusi — źnik.
Jak skazaŭ Asanuškaŭ, jon da apošniaha ratavaŭ ludziej, sam z centra nie vyjšaŭ.
«Užo ŭvieś abhareły byŭ taki… Jaho pakul nie znajšli», — dadaŭ supracoŭnik «Krokusa».
I ŭ Kašavarava, i ŭ Kulika ŭ Biełarusi siemji, dzieci. Abodvum krychu za 40 hadoŭ.
Što viadoma pra biełarusa Alima Kašavarava, jaki znachodzicca ŭ vielmi ciažkim stanie paśla teraktu
Terakt u «Krokus Sici Chole» pad Maskvoj. Što viadoma pa stanie na viečar suboty
Adzin z zatrymanych za terakt byŭ u «Krokusie» jašče 7 sakavika
Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary