Rada AAN pa pravach čałavieka na pasiadžeńni 55-j siesii ŭ Ženievie pryniała rezalucyju pa situacyi z pravami čałavieka ŭ Biełarusi. U dakumiencie Rada pastanaviła jašče na hod praciahnuć mandat śpiecdakładčyka ab situacyi z pravami čałavieka ŭ Biełarusi Anais Maryn.
Rada prosić Anais Maryn praciahvać sačyć za raźvićciom padziej i vynosić rekamiendacyi, pravodzić kansultacyi z usimi zacikaŭlenymi bakami i pradstavić dakład ab stanoviščy ŭ halinie pravoŭ čałavieka ŭ Biełarusi Radzie i Hienasamblei ŭ 2025 hodzie.
Taksama Rada pra pravach čałavieka AAN pastanaviła u terminovym paradku zasnavać na hod z mahčymaściu praciahvańnia hrupu z troch niezaležnych ekśpiertaŭ pa pytańni ab stanoviščy ŭ halinie pravoŭ čałavieka ŭ Biełarusi, jakaja budzie pryznačanaja staršynioj Rady.
Za rezalucyju było addadziena 24 hałasy, 17 krain ustrymalisia, a 6 (Ałžyr, Burundzi, Kitaj, Kuba, Erytreja i Vjetnam) byli suprać.
Hramadzianka Francyi Anais Maryn była pryznačanaja śpiecdakładčykam AAN pa situacyi z pravami čałavieka ŭ Biełarusi ŭ kancy vieraśnia 2018 hoda. Sama ž pasada źjaviłasia paśla žorstkaha razhonu akcyi pratestu suprać falsifikacyi prezidenckich vybaraŭ 2010 hoda.
Kamientary