Rehistracyja abituryjentaŭ dla ŭdziełu ŭ centralizavanym teściravańni projdzie pa 22 krasavika.
Zajavu možna padać, zapoŭniŭšy elektronnuju formu na sajcie Respublikanskaha instytuta viedaŭ (RIKV) ci asabista, naviedaŭšy adzin z punktaŭ rehistracyi, majučy pry sabie dakumient (abo jaho kopiju), dazvoł na žycharstva, paśviedčańnie biežanca abo daviedku, jakaja vydajecca ŭ vypadku straty (kradziažu) dakumienta.
Punktami praviadzieńnia CT i punktami rehistracyi dla jaho prachodžańnia vyznačany 40 ustanoŭ adukacyi ŭ bujnych rajonnych, abłasnych centrach i stalicy.
Naprykład, u Minsku ich 12. Siarod ich BNTU, BDUIR, BDATU, BDMU, BDEU, BDPU, BDU, BDTU, BDUKM, MDŁU, mižnarodny ŭniviersitet «MIPSA» i Akademija kiravańnia. Punkty buduć pracavać z 9.00 da 19.00 (u subotnija (13 i 20 krasavika) dni — z 9.00 da 18.00).
Abituryjent paśla ŭniasieńnia płaty za pryjom i afarmleńnie dakumientaŭ dla ŭdziełu ŭ CT pavinien nie paźniej za 22 krasavika asabista zabrać u punkcie rehistracyi propusk, majučy pry sabie dakumient (kopiju dakumienta), jaki paćviardžaje asobu.
Pry hetym abituryjent zabiraje propusk u tym punkcie rehistracyi, u jakim jon padaŭ zajavu dla ŭdziełu ŭ CT pry asabistaj jaŭcy, abo ŭ tym punkcie rehistracyi, dzie abituryjent płanuje prachodzić CT, u vypadku padačy zajavy dla ŭdziełu ŭ CT z dapamohaj sistemy papiaredniaj rehistracyi.
Važna: praces rehistracyi dla ŭdziełu ŭ CT ličycca zavieršanym tolki paśla atrymańnia abituryjentam propusku. Propusk dla ŭdziełu ŭ CT ličycca zarehistravanym, kali na im staić piačatka ŭstanovy, vyznačanaj punktam rehistracyi, podpis upaŭnavažanaha pradstaŭnika punkta rehistracyi i ŭkazany rehistracyjny numar.
Abituryjent, zarehistravany dla ŭdziełu ŭ centralizavanym ekzamienie, jaki pravodzicca ŭ hod prachodžańnia CT, pa dvuch vučebnych pradmietach, maje prava zarehistravacca dla prachodžańnia CT nie bolš čym pa adnym inšym vučebnym pradmiecie ŭstupnaha ispytu.
Abituryjenty, nie zarehistravanyja dla ŭdziełu ŭ centralizavanym ekzamienie, jaki pravodzicca ŭ hod prachodžańnia CT, majuć prava zarehistravacca dla prachodžańnia CT nie bolš čym pa troch vučebnych pradmietach ustupnych ispytaŭ.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1111
Kamientary