Sabalenka trapiła ŭ śpis samych pierśpiektyŭnych maładych lidaraŭ Forbes
Letaś biełaruska była ŭ liku samych vysokaapłatnych spartsmienak śvietu.
Biełaruskaja tenisistka Aryna Sabalenka ŭklučana ŭ śpis samych pierśpiektyŭnych jeŭrapiejskich lidaraŭ da 30 hadoŭ. Aktualny štohadovy śpis pradstaviŭ časopis Forbes.
25-hadovaja druhaja rakietka śvietu trapiła ŭ raździeł «Sport i hulni».
U 2023 hodzie Sabalenka stała šostaj u śpisie samych vysokaapłatnych spartsmienak śvietu — biełaruska zarabiła 14,7 miljona dołaraŭ.
Forbes adznačaje, što Sabalenka pryciahvaje sponsaraŭ, niahledziačy na prablemy, ź jakim sutykajucca biełaruskija i rasijskija spartoŭcy paśla pačatku bujnamaštabnaj vajny va Ukrainie.
Tak, tenisistka supracoŭničaje z Nike, Whoop i Wilson Sporting Goods, a taksama zaklučyła partniorskija pahadnieńni ź mieksikanskim brendam Maestro Dobel Tequila i amierykanskaj kampanijaj Leaf Trading Cards, jakaja vypuskaje spartyŭnyja kartki. Akramia taho, biełaruska aktyŭna inviestuje. Taksama letaś Sabalenka źjaviłasia ŭ dakumientalnym filmie Netflix.
Pry składańni rejtynhu Forbes uličvaje tysiačy materyjałaŭ pra hierojaŭ, a taksama mierkavańni ekśpiertaŭ. Kandydataŭ aceńvali pa roznych kryteryjach, u tym liku pa pamiery aktyvaŭ, dachodach, maštabie asoby i ŭpłyvu.
Sabalenka — eks-pieršaja rakietka śvietu, dvuchrazovaja čempijonka Adkrytaha čempijanatu Aŭstralii ŭ adzinočnym razradzie. Za karjeru jana zarabiła amal 23 miljony dołaraŭ pryzavych.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary