U Padmaskoŭi sutki łoviać padazravanaha pa spravie ab terakcie ŭ «Krokusie». Jon źbieh ad FSB u les
U rajonie padmaskoŭnaha Čechava abjavili płan «Sirena».
Supracoŭniki rasijskich śpiecsłužbaŭ uviečary 9 krasavika pieraśledavali mužčynu. Pavodle papiarednich źviestak, jaho padazrajuć u datyčnaści da teraktu ŭ «Krokus Sici Chole».
Mužčynu, jakoha zavuć Mikałaj S., pieraśledavali dźvie mašyny siłavikoŭ. Adnak tamu ŭdałosia źbiehčy: jon rezka zdaŭ nazad i vyskačyŭ z mašyny, a zatym schavaŭsia ŭ lesie. Žychary rajona čuli pierastrełku, paviedamlaje Baza.
U rajonie Čechava ŭ Padmaskoŭi ŭviedzieny płan «Sirena», supracoŭnikaŭ Rashvardyi padniali pa tryvozie. Znajści mužčynu nie mohuć dahetul. Padazravany moža być uzbrojeny.
«Maskoŭski kamsamolec» śćviardžaje, što padazravanamu 47 hadoŭ, jaho zavuć Mikałaj Surnoŭ. Pavodle źviestak vydańnia, mužčyna ŭvieś čas žyvie ź siamjoj u Litvie.
«Usio svajo žyćcio jon zajmaŭsia ramontam aŭtamabilaŭ. Heta navat vyklikała niejkaje razdražnieńnie rodnych — baćki turbavalisia, što syn z ranicy da viečara prapadaje ŭ aŭtaramontnaj majsterni», — piša vydańnie i robić vysnovu, što Surnoŭ moh supracoŭničać z vykanaŭcami teraktu ŭ jakaści aŭtaślesara.
Pa spravie ab terakcie ŭ «Krokus Sici Chole» zatrymali ŭžo 15 čałaviek.
U terarystaŭ, što napali na «Krokus Sici Choł», byli ŭ telefonie fota ŭkrainskich vajskoŭcaŭ — SK RF
FSB zajaviła ab zatrymańni jašče troch fihurantaŭ spravy ab terakcie ŭ «Krokus Sici Chole»
Pucin nazvaŭ metu zamoŭcaŭ teraktu ŭ «Krokus Sici Chole»
Patrušaŭ: Ślady teraktu ŭ «Krokusie» viaduć da śpiecsłužbaŭ Ukrainy
ZŠA papiaredžvali Rasiju ab terarystyčnym napadzie mienavita ŭ «Krokusie» — The Washington Post
Pucin zapatrabavaŭ znajści «kančatkovych bienieficyjaraŭ» ataki na «Krokus»
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary