Rodnyja Leanida Malichava bolš za paŭhoda nie majuć ad jaho viestak i nie viedajuć miesca jaho znachodžańnia, raspaviali znajomyja chłopca.
Leanid Malichaŭ pierajechaŭ ź Biełarusi ŭ Polšču ŭ sakaviku 2021 hoda. Bolš za hod jon pražyvaŭ u Łodzi, pracavaŭ tam u bary. U lipieni 2022 hoda pierabraŭsia ŭ Varšavu, dzie, imavierna, i pražyvaŭ da momantu źniknieńnia.
Leanid pastajanna padtrymlivaŭ suviaź ź siamjoj, adnak 9 žniŭnia 2023 hoda hetaja suviaź pierapyniłasia — jon pierastaŭ adkazvać na paviedamleńni, i z taho momantu navat baćkam ničoha nie viadoma pra los Leanida. Nijakich kanfliktaŭ, jakija mahli b stać pryčynaj dla spynieńnia znosin ź siamjoj, nie było.
Apošni raz znajomyja bačyli maładoha čałavieka ŭ Varšavie 1 śniežnia 2023 hoda.
Znajomyja Leanida nieadnarazova sprabavali telefanavać na jahony polski numar, adnak jon niedastupny.
U sacsietkach i mesendžarach Leanida taksama niama nijakaj aktyŭnaści. Sa žniŭnia 2023 hoda jon nie čytaje i nie adkazvaje na paviedamleńni.
Taksama, była zroblena sproba padać zajavu ab źniknieńni maładoha čałavieka ŭ varšaŭskuju palicyju, adnak jana nie była paśpiachovaj. Palicyjanty adkazali, što mohuć pryniać zajavu nie ad rodnych, kali jany zmohuć pakazać adras pražyvańnia Leanida da momantu jaho źniknieńnia. Na žal, takoj infarmacyjaj ni siamja, ni jaho znajomyja nie vałodajuć.
U baćkoŭ ciapier niama mahčymaści pryjechać u Polšču i zaniacca pošukami.
Znajomyja chłopca prosiać usich, chto bačyŭ Leanida paśla žniŭnia 2023 hoda, źviazacca ź imi i padzialicca najaŭnaj infarmacyjaj pa pošcie: [email protected].
Znajomyja siamji ahučyli viersiju, dzie tydzień byŭ źnikły Siarhiej Cierabaviec — tata dziaŭčynki z SMA
Namieśnika dyrektara homielskaj rekłamnaj telekampanii znajšli miortvym. Sam dyrektar za kratami za palityku
«Rabiŭ meblu dla jacht, zvolniŭsia»: padrabiaznaści źniknieńnia taty Lizy z Mazyra, jakoj biełarusy sabrali na samyja darahija leki ŭ śviecie
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary