Śviet

Žurnalisty vyśvietlili, dzie Apple chavaje svaju samuju pieradavuju łabaratoryju

Vydańnie Financial Times vyznačyła miescaznachodžańnie sakretnaj łabaratoryi kampanii Apple, u jakoj zajmajucca samymi revalucyjnymi inavacyjami ŭ śfiery štučnaha intelektu i ŭ jakuju masava pieravablivajuć śpiecyjalistaŭ z Google.

Fota: vecteezy

Pavodle rasśledavańnia Financial Times, kampanija Apple stvaryła novuju sakretnuju łabaratoryju ŭ Jeŭropie, dzie zajmajecca samymi pieradavymi raspracoŭkami ŭ halinie štučnaha intelektu (ŠI).

Łabaratoryja pad nazvaj Vision Lab znachodzicca ŭ šviejcarskim Ciurychu i aficyjna kirujecca niekalkimi miascovymi startapami, jakija całkam admaŭlajuć svajo dačynieńnie da Apple.

Vydańnie adznačaje, što sakretnaść abjekta źjaŭlajecca nastolki surjoznaj, što navat najbližejšyja pa susiedstvie biznesy ničoha nie viedali pra isnavańnie łabaratoryi.

Kaściak supracoŭnikaŭ sakretnaj łabaratoryi Apple składajuć pieravablenyja z kampanii Google prafiesijanały ŭ halinie ŠI — nie mienš za 36 staršych śpiecyjalistaŭ, jakija raniej raspracoŭvali inavacyi ŭ Google AI (adno z padraździaleńniaŭ Google). Jość u łabaratoryi i supracoŭniki, jakija kaliści byli datyčnyja da kampanii OpenAI, stvaralnicy papularnaj niejrasietki ChatGPT.

Heta nie pieršy vypadak, kali Apple uzmocniena chavaje svaje prajekty ad suśvietnaj hramadskaści. Jašče niadaŭna kampanija vyrašyła zharnuć adzin z samych ambicyjnych u svajoj historyi prajektaŭ pa stvareńni elektramabila, jakim pačała zajmacca 10 hadoŭ tamu.

U prajekcie (Project Titan), isnavańnie jakoha Apple nikoli publična nie pryznavała, mierkavana było zadziejničana kala dźviuch tysiač čałaviek — častku ź ich potym źbiralisia pieravieści ŭ padraździaleńnie, jakoje zajmajecca raspracoŭkami ŠI.

Mahčyma, što havorka išła pra pieravod supracoŭnikaŭ u tym liku i ŭ tolki što znojdzienuju sakretnuju łabaratoryju ŭ Šviejcaryi.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, što za amierykaniec niadaŭna byŭ vyzvaleny ź biełaruskaj turmy7

Stała viadoma, što za amierykaniec niadaŭna byŭ vyzvaleny ź biełaruskaj turmy

Usie naviny →
Usie naviny

ES moža vydzielić Ukrainie vielizarny pakiet dapamohi —700 miljardaŭ jeŭra5

Sioleta pačnuć zabudoŭvać učastak na rahu praśpiekta Niezaležnaści i Vałhahradskaj3

Raspracoŭščyk z Amsterdama raskazvaje, kolki jon tracić u miesiac4

Losavańnie čempijanatu Biełarusi pa futbole prajšło ŭ Bresckaj krepaści4

«Kudy stolki padzieć?» Biełaruska atrymała hihancki padarunak na pracy da śviataŭ — u tyktoku zajzdrościać12

Da 2027 hoda štučny intelekt moža dasiahnuć uzroŭniu «krainy hienijaŭ». Što majecca na ŭvazie?5

Palitźniavoleny žurnalist Karniej schudnieŭ za kratami na 15 kh i maje prablemy z sercam1

Prakuratura pakazała interjery kałonii, u jakoj trymajuć Alesia Bialackaha3

Pieramovy pamiž Rasijaj i ZŠA ŭ Er-Ryjadzie pačalisia9

bolš čytanych navin
bolš łajkanych navin

Stała viadoma, što za amierykaniec niadaŭna byŭ vyzvaleny ź biełaruskaj turmy7

Stała viadoma, što za amierykaniec niadaŭna byŭ vyzvaleny ź biełaruskaj turmy

Hałoŭnaje
Usie naviny →

Zaŭvaha:

 

 

 

 

Zakryć Paviedamić