Fiktyŭnaja rehistracyja hramadzian u Minskim rajonie chutka stanie biessensoŭnaj, paviedamiŭ namieśnik prakurora Minskaj vobłaści Viktar Žynhiel.
Fiktyŭnaja rehistracyja hramadzian u Minskim rajonie chutka stanie biessensoŭnaj, paviedamiŭ namieśnik prakurora Minskaj vobłaści Viktar Žynhiel.
U apošni čas žychary Minska i inšych biełaruskich haradoŭ masava rehistrujucca ŭ Minskim rajonie, što dazvalaje im stać na čarhu majučych patrebu ŭ palapšeńni žyllovych umoŭ i ŭ vyniku atrymać ziamielnyja nadzieły. Asabliva vostra heta prablema staić u Baraŭlanskim sielskim saviecie, dzie ludzi rehistrujucca sotniami.
Pavodle namieśnika prakurora, u 2009 hodzie ŭ Minskim rajonie było vydzielena bolš za 4,2 tys. ziamielnych nadziełaŭ, ale niejkija pracy rabilisia tolki ŭ kožnym šostym vypadku. Heta, na dumku Žynhiela, śviedčyć pra toje, što bolšuju častku ziamli hramadzianie atrymlivajuć dziela dalejšaha ŭzbahačeńnia.
Adnak padobnyja dziejańni chutka stanuć biessensoŭnymi: u lutym ustupaje ŭ moc zakanadaŭčy akt, zhodna ź jakim ludziam budzie nieabchodna čakać 5 hadoŭ paśla taho, jak jany nabuduć status majučych patrebu ŭ palapšeńni žyllovych umoŭ.
Žynhiel taksama paviedamiŭ, što ŭ Minskaj vobłaści vostra staić prablema niezakonnaha vydzialeńnia nadziełaŭ u achoŭnych zonach trubapravodaŭ, čyhunačnych šlachoŭ. Prakuratury davodzicca zabirać takija nadzieły. Jak praviła, naŭzamien hramadzianam dajecca ziamla ŭ inšych miescach.
Kamientary