Ihar Tur: Nadpisy «1941-1945, možam paŭtaryć!» śviedčać ab prydurkavataści taho, chto ich piša
Prapahandyst ANT abrynuŭsia z krytykaj na amataraŭ padobnych łozunhaŭ.
«Hadoŭ piać tamu i raniej u internecie paśla Dnia Pieramohi čaściej za ŭsio razharalisia dyskusii vakoł abo łozunhaŭ u vusnaj formie, abo nadpisaŭ dzieści na płatach abo aŭtamabilach, maŭlaŭ, «41-45 — možam paŭtaryć!»
Adny heta pisali i hanarylisia tym, što tak robiać, inšyja ich niemiłaserna krytykavali, maŭlaŭ, idyjoty vy, jakoje paŭtaryć, uspomnicie vieteranaŭ, jakija jakraz i prajšli 41-45 — jany nikoli nie skažuć «možam paŭtaryć!», jany zaŭsiody cichieńka paŭtarajuć «aby nie było vajny».
U takich temach u sacsietkach zaŭsiody byli žorstkija sprečki ŭ kamientarach pamiž, na moj pohlad, bałabołami i adekvatnymi ludźmi, tamu što voś hetyja nadpisy «možam paŭtaryć!» na moj pohlad, śviedčać ab prydurkavataści taho, chto piša.
A voś nazirańnie: kali pačałasia Śpiecyjalnaja vajennaja apieracyja na Ukrainie, pieraŭtvoranaja zatym de-fakta ŭ vajnu…
Prablema źnikła sama saboj, i jaki hod na Dzień Pieramohi my ŭ asnoŭnym pazbaŭlenyja ad takoj voś publičnaj demanstracyi prydurkavataści asobnych indyvidaŭ.
Vajna — heta strašna. Adny heta pamiatali i pamiatajuć, inšyja pamiatali, ale zabyvali… Sučasnaść usich prymusiła ŭspomnić — abo daviedacca, kali havorka pra maładoje pakaleńnie.
Va ŭsich jość mahčymaść pahladzieć choć by kadry z frontu, jakija i na 3% nie adlustroŭvajuć usich žachaŭ hetaj vajny — i niejak ni ŭ kaho nie ŭźnikaje žadańnia ŭziać i paŭtaryć asabista, praŭda?
Vajna ŭ knihach i kinafilmach hieraizavanaja i ramantyzavanaja. Vajna realnaja — heta strach, śmierć, kroŭ, śmierć, žach, śmierć, bieznadziejnaść, śmierć, tryvoha, śmierć, nadzieja — i znoŭ śmierć.
Luby drenny mir lepš vajny — spytajecie heta ŭ kaho zaŭhodna, chto na vajnie byŭ», — napisaŭ Tur.
«Biełpoł» zatroliŭ Ihara Tura — zdabyli paśviedčańnie prapahandysta z Usiebiełaruskaha schodu
Prapahandyst Tur, jaki krytykavaŭ sonnych čynoŭnikaŭ na naradach, sam zasnuŭ padčas pramovy Łukašenki
Žyhimont i Bondarava źvinavacili Tura ŭ ideałahičnaj dyviersii
Jak prapahandyst Ihar Tur staŭ lubimčykam Łukašenki i kolki zarabiŭ u 2020-m
Brat udavy Zielcara: Kadebisty išli ŭ kvateru pa mianie8
Kamientary
P.s. Karaciej, pajšoŭ ty na ..., iharok. Vajna ŭžo tut, i ty z tabie padobnymi pačvarami try z pałovaj hady ljacie vadu na jaje młyn. Praz vas zabivajuć u tym liku biełarusaŭ. Praz vas zharajuć zažyva niemaŭlaty ŭ matčynych abdymkach. Kab vy samyja tak "zmahli paŭtaryć" - zhareli k čortavaj maciery!