Biełaruskaja tenisistka pakazała ŭ sacsietkach novaha kachanaha — biznesmiena i aŭtahonščyka Hieorhiasa Franhulisa. Miarkujučy pa storys, dziaŭčyna bolš nie chavaje svaju suviaź z žanatym brazilcam, pra jakuju raniej pisali ŚMI.
18 maja Aryna Sabalenka hrała z polkaj Ihaj Śviontak u finale turnira WTA-1000 u Rymie. Macniejšaj akazałasia Śviontak — 6:2, 6:3.
Paśla prajhranaha matču Aryna adpraviłasia na viačeru razam z členami svajoj kamandy i blizkimi. U storys jana apublikavała fota z restarana, dzie Arynu trymaje za ruku Hieorhias Franhulis, biznesmien z Brazilii.
Praź niekalki hadzin Aryna znoŭ apublikavała storys z Franhulisam, dzie adznačyła jaho i dadała smajlik — sercajka z palcaŭ. Na kadrach bačna, što mužčyna abdymaje spartoŭku.
Heta ŭžo nie pieršy raz, kali adnosiny pamiž Arynaj i Franhulisam traplajuć u kadr, ale raniej Sabalenka nie demanstravała ich adkryta.
Franhulisu 34 hady, jon saŭładalnik kampanii Oakberry, jakaja vyrablaje zdarovuju ježu. Z pačatku hoda Sabalenka — rekłamny tvar Oakberry, i vierahodna, što praz heta jana i paznajomiłasia z Hieorhiasam. Raniej brazilca bačyli razam ź biełaruskaj na turnirach u Štutharcie i Madrydzie, na adnym z turniraŭ padobny da Franhulisa mužčyna całavaŭ Arynu ŭ vusny.
Pry hetym Hieorhias — niesvabodny mužčyna, jaho žonku zavuć Biech Armientana. U sacsietcy Ch (tvitar) źjaviŭsia skrynšot pierapiski z Armientana, dzie taja kaža, što intryžka jaje muža z tenisistkaj pačałasia jašče ŭ Kalifornii i što jana płanuje padavać na razvod.
Kali jaje płany spraŭdziacca, heta budzie ŭžo druhi vypadak, kali z-za Sabalenki rujnujecca šlub. Minułyja niekalki hadoŭ Aryna mieła stasunki z byłym chakieistam Kanstancinam Kalcovym, jaki dziela jaje kinuŭ žonku z tryma dziećmi. U sakaviku Kalcoŭ trahična zahinuŭ u Majami, i tady vyśvietliłasia, što na momant śmierci jon užo nie byŭ razam z Arynaj.
«Naša Niva» — bastyjon biełaruščyny
PADTRYMAĆPacałunak Sabalenki i biznesoŭca z Brazilii trapiŭ u tranślacyju. Jaho žonka moža padać na razvod
Žanaty mužčyna byŭ z Sabalenkaj u Štutharcie, i jamu možna joj kłaści ruku nižej za taliju
Zahinuły chakieist Kalcoŭ kinuŭ siamju z tryma dziećmi i pačaŭ jarki raman z Arynaj Sabalenka — voś hetaja skandalnaja historyja
Kamientary