Praviły vydačy viz dla hramadzian Rasii stali bolš žorstkimi viasnoj 2022 hoda, paśla čaho vydača turystyčnych viz hramadzianam Rasii ŭ asnoŭnym spyniłasia. Ale ciapier mahčymaści ŭjezdu ŭ krainu dla ich buduć dadatkova abmiežavanyja.
![](http://nashaniva.com/img/w840d4webp1/photos/z_2024_05/-luiqi.jpg.webp)
Urad Narviehii ŭvodzić dadatkovyja abmiežavańni na ŭjezd u Narviehiju dla hramadzian Rasii, jakija prybyvajuć u krainu ŭ turystyčnych metach. Novyja praviły ŭstupajuć u siłu 29 maja.
— Pastanova ab abmiežavańni mahčymaściaŭ dla ŭjezdu adpaviadaje zaniataj Narviehijaj pazicyi ab nieabchodnaści sumiesnaj z našymi sajuźnikami i partniorami reakcyi na niezakonnuju ahresiju Rasii suprać Ukrainy, — kaža ministr justycyi i hramadskaj biaśpieki Emili Enhier Miel.
Hramadzianam Rasii, jakija prybyvajuć u Narviehiju ŭ turystyčnych i inšych metach nie pieršaradnaj važnaści, budzie admoŭlena va ŭjeździe ŭ Narviehiju pry pierasiačeńni miažy. Uzmacnieńnie žorstkaści pravił raspaŭsiudžvajecca jak na tych hramadzian Rasii, jakim Narviehija vydała vizu da ŭzmacnieńnia žorstkaści praviłaŭ viasnoj 2022 hoda, tak i na tych, čyja viza była vydadziena inšymi krainami Šenhienskaha pahadnieńnia.
U niekatorych vypadkach buduć rabicca vyklučeńni, naprykład, dla hramadzian Rasii, jakija pryjazdžajuć u hości ŭ Narviehiju da blizkich svajakoŭ, i dla hramadzian Rasii, jakija prybyvajuć u krainu z metaj pracy abo vučoby ŭ Narviehii abo inšych krainach Šenhienskaha pahadnieńnia.
«Ułady Narviehii ŭvažliva sočać za situacyjaj na miažy i pierasiačeńniami miažy ŭ pahranpunkcie Sturskuh i hatovyja pryniać miery ŭ vypadku nieabchodnaści», — dadaje ŭrad krainy.
Kamientary