Premjer-ministr Donald Tusk zahavaryŭ pra mahčymaść adkryćcia pamiežnaha punkta «Babroŭniki» («Bierastavica») na miažy ź Biełaruśsiu.
«U najbližejšy čas razhledzim mahčymaść adkryćcia pamiežnaha pierachodu «Babroŭniki» dla pasažyrapatoku. Ja całkam padtrymlivaju heta! Adnak adrazu ahavarusia, što ja nie prymu takoha rašeńnia, kali ŭ vajskoŭcaŭ i pamiežnikaŭ budzie adnaznačna admoŭnaje mierkavańnie, što heta moža akazać niehatyŭny ŭpłyŭ na našu biaśpieku», — skazaŭ Tusk. Rašeńnie, pavodle jaho słovaŭ, moža być pryniata ciaham niekalkich dzion.
Adnak ci viedaje polski premjer pra toje, što Biełaruś pačała rekanstrukcyju «Bierastavicy» sa svajho boku? Maštabnyja pracy vyrašyli pravieści, pakul pierachod usio adno staić zakryty.
Voś tak vyhladaŭ pamiežny punkt miesiac tamu — ni asfaltu, ni častki budynkaŭ.
Rekanstrukcyju źbirajucca skončyć daterminova ŭ śniežni 2024 hoda. Adnak kali adkryvać miažu «ciaham niekalkich dzion», jak kaža Tusk, niezrazumieła, kudy pajeduć aŭtamabili.
«Bierastavica» była zakrytaja z polskaha boku 10 lutaha 2023 paśla vyniasieńnia prysudu žurnalistu-palitviaźniu Andžeju Pačobutu. Jon pa-raniejšamu zastajecca za kratami.
Čytajcie taksama:
Tusk źbirajecca adnavić pracu pamiežnaha punkta «Babroŭniki»
«Mnohija spadziajucca na chutkaje adkryćcio «Bruzhoŭ». Što kažuć hrodziency pra žyćcio ŭ «abłozie»
